200101三夜深18°C 77%：過年怕亦如是

    元旦一向是除夕倒数後的anti-climax。一夜歡愉後大覺瞓。醒來後摸下執下，靜靜地過一日，以待翌日復工。
   但過去呢個聖誕新年係香港開埠以來的首創。由平安夜起夜夜笙歌。今日元旦更食完晏就上街，放煙花，舞火龍，越玩越罄。唔過凌晨點夠喉？
   官家順應民情，從旁助興。禽晚射激光，今晚製煙霧，同班後生玩捉依因。
   睇班𡃁近月既罄致，今個月25號過年個幾日，也會繼續玩。落力同的愛字友拜年、開年，祝大家「五大訴求，心想事成」。後者到時既jaak籃紅紙自然係「止暴制亂」一封。
   講番忍者既兩大攻勢：警暴+攬炒，揀得好。
   警暴係博西方同情。近年美警「濫殺」黑人。全球耳熟能詳，人人痛恨。中國旗下的港警濫暴，西方尤其同情，令特區政府捱打。
   攬炒則不僅是顛覆香港唯錢是求的傳統，逼我地扭轉半個世紀以來的成功模式（見昨天），更係刻意推翻中共限定香港的角色。中共只准我地做經濟城市，唔單止係要香港專心爲國賺錢，更係唔准我地有政治成分。因此，只准延續行政主導、跛腳議會的殖民地政制，唔准普選。確保我地繼續只賺錢，唔問政治，最怕成爲內地既自由民主人權樣板，令14億人有憧憬，動搖國本。