200130四初六午16°C 38%：國家缺罩太難明

   7am外出晨運。山邊有風，吹的寒氣埋離，不得不快步急行，以免凍親要見醫生，增加感染的風險。
   但9am過後，陽光普照。想起一首我來港前荷里活歌劇（似乎叫"Oklahoma"）的名曲：
Oh, what a beautiful morning. Oh, what a beautiful day. I got a beautiful feeling, everything going my way.
   Everything going my way雖然sounds too good to be true，但當作年頭希望啦！希望很快就否極泰來。

   謝網友留言。武肺激勵我每天博，留個記錄。
   後來想到了，林鄭防疫跟中央尾，即係上面所謂"寧左勿右"。裏邊每逢搞運動，人人都博過關，必然如此。

   昨午路經交通要衝，見人龍排到街角轉彎，大概都係個味嘢。今晨閱報，屈臣氏昨預告今有售，一人限一盒，當晚竟然有人排通宵。
   唔明。國家咁厲害。上天落海、AI、超級電腦、量子通訊、一箭多星、登月、世界最大最高既乜乜...之前十幾年，就已經係世界工廠。點會攞唔出的low-tech既罩？雖說有14億人，但大而化之係中國人的民族性，呢一刻真正緊張，因而撲罩既國民相信不過3幾億。
   大大已一再開聲。疫症關乎國家安全，這是一場內戰！國家有的是錢，點解唔可以動員全國既日用品和軍備工廠，24小時三班作戰。同時調動八縱八橫既高鐵，在三兩日內運抵全國各地，剎住恐慌。難道大堆超級科技、巨型基建都係攞離睇既？