1980年代初，美國電視有個華爾街投行廣告：When E.F. Hutton speaks, people listen，也就是貼股准，肯跟冇死。當時一度成為口頭禪。但40年下來，股民仍在，E.F. Hutton早已消失。
今晨，聖誕新年節日過後第一個全工作週開始。大半年的官民對峙陷入僵局下，新任欽差大臣首開金口，港媒理所當然地listen。
唯一能與爭鋒的是武漢疫情的威脅。
欽差的關鍵字是：1.令人揪心，2.要重回正軌。
但說了等於沒說。
揪心，主席大人早就說過。「揪」，粵語或者可以話「揦住」，心痛/痛心之謂。
2.才是戲肉。但未界定何謂正軌、如何返回，仍屬各說各話，缺乏操作性。
對佔人口我猜高達七成的反修例者來說，2.既開價係「五大訴求」。
但林鄭早就還價1：撤回修例。其餘免問。
叫5蚊，還1蚊，係街市肯定俾人媽到仆街。
最高當局5年半前，用8.31堵死「五大訴求」最後也是最關鍵的一項：真普選。
但即便這樣，其他四項也應按民情，有商有量。否則官民都會被攬炒拖到死。暴力雖減，但日日「和你X」，想盡名堂，出盡百寶，即便雷大雨小，無傷大雅，也足見和理非並未割席、後退、放棄。不要妄想其自然消退。
同樣有趣的是：連登今日成日，對新官開口隻字不提，好似（唔敢話冇睇漏）冇事發生。最可能既解釋係：刻意ignore，豎起圍牆，堅持反/獨，「支那」既嘢一於唔睇唔理，以防被接觸、被動搖。
但咁好似虛弱的啵！
沒有留言:
張貼留言