200127一年初三深夜13°C 74%：信官定信民？

mourning: Kobe Bryant. 
世事無常，好好珍惜每一天。

    武肺病例照例累增，但「冇吠」亦即冇飆，算係又捱過咗一日。
    以港角度看，今日最重要既發展唔係李克強以防疫組長身份視察武漢，而係〈澳警巡酒店 請走逾百湖北人〉。後一做法有內地feel。
    唯我地既局長仍死撐，無常理可言。林鄭唔續聘前朝個位改用佢，聽講係改用護士以免醫醫相護。但而家睇，佢唔只唔護醫，連市民都唔護。

   估武肺好似民方vs警方報遊行人數。今日官方話確診近3,000。但港大用電腦靠估大10倍。英美專家用電腦更估下週會高達10萬。
   我信實數係官方公佈既好幾倍，港大既估計不離譜。如果14億人只有3,000，邊會咁緊張，習近平要專門爲此開會。
   但發展就是硬道理下，經濟、醫療、政治利益太大，地方上瞞報必然。關鍵係有幾離譜：主要係態度鬆懈、設備落後既文化科技問題，定主要係犯罪性質既虛報，香港所謂僞造文書，查到100只報20。
    當然，與17年前沙士相比，呢次內地算係進咗一步：「大大」地緊張咗。但唔一定係觀念進步咗，而更可能係：
    1. 比17年前有錢咗好多，stake大咗。萬一失控，經濟損失以千億計。與美國仍有下階段貿易協議要傾，隨時俾人藉口加碼，吊起離賣。
    2. 國際形象空前低落，在發達國家裏幾乎冇人信。急須挽回國譽，不得不執正的。