200114二午晴20°C 74%：退場定中場？

   初見連登提「勇武退場」，距今怕有兩三週。此前就已轉靜。旺角匯豐係最後一鑊，因爲7千萬既反修例真金白銀被扣。
   月來，莫說「狗竇、黨鐵」，連常被裝修的藍chain也開始得免。有「福建幫」食品鋪係港島主街開新鋪、收會員。
   但訴求未達，未被拉嗮，亦非流亡，連登上不斷有人嗌唔好停。就此退場，唔可能係放棄。趕會考？移民？
   咁講，並非要佢地繼續「玩」，純粹係梅豔芳話齋，why, why, tell me why？
   因爲勇武「退場」論廣傳後，有藍到黑既訊息出口轉內銷，大嗌：未拉嗮的既「曱甴」呀，唔好停！
   但兩軍對壘兵不厭詐，雙方都會講好多假話。只有的惱到爆既海外遺老當真。我當然希望有人勇武咗大半年後，搵到冇咁激既出路。
   我所謂既3.5：特赦係個0.5，但要公正地包括民與警，唔係專放一方、專打另一方。
   至於最終既真普選，離緊的立會至少要像肥彭那樣放開功能組別，等再下一屆正式撤銷。到時要平衡，可學日、台行雙軌制。例如：一半議席分區一人一票；一半議席全港一區，比例代表制。
   唔使講，建制初期會輸。但非建制唔會壓倒性。上頭肯放開的，港人裏的中間派、淺黃也唔想一拍兩散，多少會保留的機會俾真係做嘢既建制。
   當然，我發噏風無可信性可言。But who knows?