200102四晚19°C 81%：台灣大選前暫歇？

   2020有個好開始。繼昨日元旦開黑盤，今第一個交易日聞說北大人放水即收紅盤。
   昨元旦，近月已成家常便飯的街頭party更一晚有400人入冊，創半年來的新高。一衆忍者和招呼他們的綠友，相信都已盡磬。
   禽晚咁有鑊氣，話係party半途被人hijack，忍者罄在上頭，收唔到手。如今入冊者衆，情緒更高，跟住又有排炒。
   但仲有3周就過年。會否趁下週台灣4年一度大show，收手睇直播，年初一先至離過？

   按常理，綠葉菜九成會冧莊。但城頭變幻大王旗。對岸剛曬完航母，台灣揸慣飛機既軍頭就有空難，點知今後仲會有乜離。韓大大學美國三年前阿侵爆冷唔得乜？
   再講，台灣軍隊既戰力又真係幾得人驚。記憶中曾亂射飛彈、打死自己人...。人少火力弱、自己仲亂龍，點玩呀？

    呢個新年，估唔到最搶鏡既係北韓小金帝：幾乎每日都叫將軍，本來最惡既阿侵反而低聲下氣。
    不只此，佢本來話同我地大大簽貿協，衣家顯然俾人飛。加上伊拉克人再次反美，危及使館，在位三年來最霉呢排。唔出招搶番的彩，只怕年底冧莊有危。