170228二午18°C59%：無假不成選？

   假！99%的賽事winner takes all，令弱勢不得不捫着心自撐。奧斯卡冇太上皇，遞錯信封不會改變結果。但港選特首背後有強力，大局已定--除非有醜聞、自己或家人傷亡....，可能性小過1%。
   （中午後補：她獲579人提名，距當選差22票）
   真正的好人應說：我會努力到最後一刻，不辜負市民的期望，爲香港更好盡一分力。
   奧斯卡話題被史上最大的尷尬壟斷，忽略了實質：本屆政治巨正確，專獎黑人和穆斯林。弱勢去年真的表現特佳？
   《La La Land》同仁最抵讚。獲頒最佳電影獎一陣後方知中空寶時，神色自若地叫住真正的勝方《Moonlight》，遞過小金人，話並非講笑，獎其實是對方的。換成中港台的話....
   提名片一齣都未睇過，昨惡補。百老匯歌舞片闊別幾十年後唔知點解翻熱。但阿《La》睇咗十幾分鐘都唔知想講乜，歌詞快到睇英文字幕都跟唔上，只好cut。
   最佳電影《Moonlight》則剛好調轉：歐式超慢，一味靠噏，演員眼神迷惘，鏡頭常影天空。但主角超寡言，俾人問乜都只是齋望住對方。戲裏的愛侶都笑佢，每次開口最多三個字。Pause無數次才捱完2個鐘，好在唔係戲院。
  政治正確但犯駁：講黑同志受欺凌，感情長埋心底。但主角自小高瘦寡言被人蝦，忍氣吞聲。一次頓悟反擊後，成年後煉成Dwayne Johnson體型，走粉開勁車掛金鍊。卻又守身如玉，係撈偏門的絕世處男。

   我唯一Like的是最佳男配角Mahershala Ali。只出現了20/30分鐘，然後就說死了，但巨有型。獲獎同樣正確：奧斯卡第一次頒俾美國的伊斯蘭人。生於我上月跟親戚去遊行的加州Oakland，生母是基督教神職人員。原姓Gilmore，皈依伊斯蘭後改姓。
   接著會看Denzel Washington自導自演的50年代黑人生活戲《Fences》。黑人演員，我Like他僅次於Morgan Freeman。女既仲未諗到。