2017年2月26日 星期日

170226日晨12°C80%:恭喜太郎、次郎

   謝留言。網友問起我這次配鏡的店鋪。昨上博的稿有疏漏,現已修訂。
   我近年配過三次鏡:大約5年前銅鑼灣崇光隔離的樓上鋪,約千五,戴得OK。年半前有長者醫療券後,以為大學配鏡最專業。埋單兩千幾,但戴落睇嘢不如上一對,鏡片也易污糟。
   雞年決換鏡。上網發覺最多人講彌敦道旺角段某大廈十樓,但有人提到一間one man bank。        Google後發覺離港鐵觀塘站不遠,但與住處不近。自恃長者可兩蚊搭車,摸去探路。位置確很僻,即使在工廠大廈地下亦唔易搵。
   鋪面大劏房啲,老細不老,框也夠我揀。框150、漸進鏡650起跳。聽過介紹覺得可一試,揀咗個韓風膠框,連鏡九百幾。六日後WhatsApp通知取貨。戴落舒服過上一對。
   呢間鋪也有品牌框,最貴的過千。至於漸進鏡,最平650,但高一級就將近double。愈薄愈硬(難刮花)愈貴。若再加塗料,例如反光變色,隨時可以幾千。
   我是消費minimalist:只求大方舒適、交易唔saap氣。我相信一分錢一分貨。但生性對物質無求,何況此年紀。即使要自付,也好過用長者醫療券但睇得唔好。
   網友若覺得啱使,請來郵本博右上角的地址,我回郵附上店名。我很樂意分享生活經驗,也希望從網友的經驗中學嘢。但社會疑心重,費事公開談店名俾人話做媒。

   太郎獲35建制提攜報名,次郎單靠泛民夠票。無郎搵唔夠政治正確的公民撐,千年道行一朝喪,抵!
   Good point MP:〈做司長9月 林瑞麟不住官邸〉。
   綠營去蔣:中正紀念堂去個人崇拜其實是對的。老蔣主要的功過在大陸,在台避難那30年的「功」不抵二二八之過。建樹主要是長子的。國民黨即便再上台,亦應改紀念小蔣。
   但如今獨風盛,中共怕會捧強硬的老蔣,把小蔣看成亡蘇的戈爾巴喬夫。
   阿特好得戚:〈美股連升11日 30年最長〉。美華有福?MP〈股神預警:市場將現系統風險〉,naturally。

沒有留言: