201021三晚25°C 60%：疫情反覆無了期

很同意MP頭條引述專家說的，聚集只4人，旅團可30人，經濟與抗疫〈不相稱〉。但又不得不承認，疫情至今已10個月，看不到盡頭，經濟慘過金融海嘯。當局根本冇橋，只能監粗離，以示有做嘢。

彈丸一城，完全靠對外往來賺錢。但疫情全球肆虐下淪爲孤城。靠750萬人你食我我食你的所謂”內循環”，邊度變得出咁多收入？

香港的繁榮built up globalization。但現在globalize的唔喺人、物、資，而係virus。唔單只賺唔到錢，更係昂貴到難以想象的蝕本貨。唔信你可以計一下：封關、抗疫、治療患者、所有人curtail活動範圍的有形無形成本，肯定係天文數字。我亂up，一日怕要100億。

疫情至今，當局不但派咗幾千億，而且同期內收入大減，很快就撐唔住。

這次國泰摺港龍、大裁員，有說8000人即時失業。這批人屬中上階層，即使能在幾個月內搵到工，怕至少一半人收入會大減，令8,000個家庭要節衣縮食。當局根本冇法幫到呢班人。

想得衰的，繼國泰這個香港Icon之後，其他行業、企業的裁員倒閉將陸續有來。這個聖誕新年甚至過年，很可能是幾十年最慘澹的。

這樣說並非幸災樂禍。我只不過早已過了工作年齡，否則也要提心弔膽。

反過來，專家的抗疫建議，在科學上完全有理。但要自省：你們係大教授/醫生，捧的是公營機構金飯碗，月入20/30萬，準時出糧，從來唔使憂減薪放無薪假裁員倒閉。要憐恤百萬冇咁好彩的大衆。後者尤其是底層的，可能寧可染疫好過讓家人挨餓。