201017六深夜25°C 76%：港人根本唔羨慕深圳

日間總想做其他事，晚飯後才上博。但到時若有事或覺累，也就放下了。離博一日，翌日就有惰性，如是一日復一日。

但今天一定要留個記錄。今凌晨醒來，手機顯示久違的友人來郵。到此年紀，我本能地打個突，友人不會有事吧？原來剛好相反，友人久未聞音訊，問我一切可好？

今晨醒來，長長地回了封電郵，附上友人當年愛看的一位名作家小說電子版：託賴無恙。疫情、政情至今都避過，今後應該也可望平安。

Wish the same for all my relatives and friends in other places. 限於疫情，現在連同城的親友都少見，更遑論異地。網絡實在是上天的恩賜，相隔萬里，也能彼此看着談笑過節祝生日。換了20年前，更難想象。更莫說40幾年前，打長途電話要先向電話公司預約，到時親身去電訊大樓的電話室接駁。記得打去美國三分鐘要8美元，當時中下層月薪不過三兩千。

上周估錯，以爲打唔成風，但估到LAL/LBJ贏NBA、拿度法網beat祖高域。

應對西方圍堵，習藉藉紀念深圳特區40年高呼雙循環，亦即既靠出口也靠內銷，雙龍出海、左右開弓也。本就應如此，被人逼埋牆角先離講，冇乜可稱賀，甚至有點阿Q。

至於深圳GDP超越香港，冇咩驚奇。相對內地，我地唯一既優勢係金融加法治。但金融既地位已被上海蓋過，說明法治既優勢其實冇想象咁大。若此，深圳有華爲等萬億企業爲家，超越無嘢出產、純靠錢搵錢既香港，好應份者。想港人開心的，好易者：深圳人口過千萬， GDP計per capita，我地750萬人應該仲贏既。

但華爲俾美國打成咁，怕頂唔得幾耐。萬一唔掂，深圳既GDP會大打折扣。港人係唔係咁念？

但其實，港人新一代已經由最快賺最多既錢，單一追求經濟成長既傳統價值，改爲北歐、日本、台灣等發達地區（不包括美國）的easy 慢活，講求生活品味，悠閒創意，爲自己和家庭而活，不爲五斗米折腰。只不過內地追求強國、港建制冇見識、品味低，唔明港人價值觀已經變咗，仍然堅持傳統的一套，形成本質上的矛盾。上街同警察打鬥，只是這種矛盾的激化。

要休息了。