201011日午夜27°C 82%： 勿心存僥倖

今日突然俾強風蓋過疫情。唔聲唔氣就1號，更預告明午升3號。但應該打唔成。

疫情權威又出鏡。我絕不懷疑今冬會勁爆，但語氣怕好多人唔受落。換了一位性格近乎镜像的非官方專家，的人會易聽的。

今日冇新聞真好。正好繼續講9男女個鑊。我估：

1.12走青+9男女會被用黎set precedent，以儆效尤。

2.瓜愣藤，藤愣瓜，最終搞出三四十人唔出奇。即使個別邊緣人物冇被拉，也驚餐死。

3.1+2->行動派瓦解。冇人敢再玩街霸。

4.除咗2.正式落鑊個幾十人，長遠更重要既係集嗮呢類人整個網絡既大數據，包括個人資料、網絡聯繫、社會關係。雖然唔會連坐，但呢班人萬一再郁，周邊關係人等都會受震動。

至於有議員/前議員助理落鑊，只說明“正義人士都係互相支持的”，一個愣一個，多多少少屬於同一個圈子。即便有議員/前議員跌埋入離亦唔奇。長毛早就入過去，怕佢乜。只不過年逾七旬，會辛苦的。

但看當局放出黎既案情，個network都幾大，涉及好多人。但可信這些人事前並無預謀，而係因爲被告暴動要走佬，自然而然地行埋一齊。

但2020與1989差天同地。當時，150萬港人上街，全球同情。港屬英治，歐美肯定都暗中爲“黃鳥”開綠燈。港英不但不會在港境兜截南下的民運人士，甚至會給予方便，在港短暫停留，等待轉赴歐美期間，暗中保護，以防有意外。

但今天，香港係中國地方，有港人與中國作對後走佬。國安法下，港方與中央不但全力堵截，相信更會藉此機會，大力打擊以起嚇阻作用，同時藉機收集反對派網絡的情報。

刑偵、間諜劇裏常見當局的control room，上下左右都係熒幕。鍵入一個人名、指模，一張照片，甚至CCTV錄影路過時手腳擺動的pattern，熒幕就會快閃幾秒，然後打出此人的檔案，包括親友圈子。

即便數據庫冇記錄，通常不出一日，也能找到有關的資訊，將此人拉埋落離。影視縱使誇張，但打個五折，都幾係嘢。回想03年沙士、反23條、倒董...，上面可能當時就積極建立港人的反建制檔案。

內地今日報導，習近平20年前任福建副黨委書記、省長時，就推動數字化管理。成爲14億人絕對的權威後，怎會不全力推行？六七年下來，如今內地的社會管控數據庫，恐怕非我等可以想象。又點會忽視香港？

勿心存僥倖，應屬常理。