今日係我既好日。醒得早，6點半就晨運，鹹蛋黃剛升起，天朗氣清，重見番三隻一伙既白鸚鵡。呼吸順暢，做完唔覺攰。晏晝孭高背囊裝滿嘢行咗半小時都OK. Thank God.
50年代尾荷里活歌劇話齋：”What a beautiful morning! What a beautiful day! I got a beautiful feeling. Everything going my way.”前三句今朝好啱我。但最尾個句係戰後大美國主義的產物，今日既特朗普就啱，我就最憎。
今日雙十，本來係蔡英文既秀。但台灣做乜早知。至於港方收緊市民這方面的表達，意料中事。記得幾個月前行山，有人着青天白日旗既T。換咗今日，會否觸犯國安法？
蔡英文冇料到，本以爲今日既頭條係Miami熱火，最後幾秒死裡逃生。NBA總冠軍仲有一場打。但我估，今後連贏LA/LBJ 2場的賠率只有3:7。
但熱火捱唔到晏晝就出局。香港今日既頭條係：9男女以協助12走青之名被落鑊。睇來陸續會有人加入，最後埋單可能30人。即非瓦解整個ring，走得甩的也大氣唔敢抖。其餘的ring(s)仲有幾pok？
反對者反應夠快，立即話內地對12走青刑求（台灣法律術語：用刑逼供也）。言下之意，港警拉9男女，係根據內地逼供得來的消息。按英式港法，不合公義程序得來的情報唔算數，9人無罪，無條件釋放。
但當局踩你都傻。且看有幾多市民同情。
一句話，以往唔發威，而家show的quali俾你睇。殺一儆百後，如果你知情識趣，局面穩定下來，我估下一步會鬆番的。否則怕多多都唔夠死。
成20個人既ring，我唔信你班人受過軍事情報訓練，怕早就被人起嗮底。彼此間既聯絡，對方了如指掌。你地想投奔台灣呀嘛！我就等到雙十來落鑊，博取最大的宣傳效果，順便瘀蔡英文。
以上係純粹係睇刑偵、間諜、律政劇集得來的幻想，應無關國安。
Good night. And bless you.
沒有留言:
張貼留言