201009 五晚26°C 62%：好在唔係呢一代

近日疫情看酒吧和酒店。後者尚易check，前者較難查。但仲喺個句：下周中先知中秋+10.1聚集的後果。

吉爾吉斯近乎政變。我冇跟，只知與新疆比鄰，兩邊有人同語同源，最怕spill over。

日前聯大，反中派vs挺中派就疆、港人權曬馬。前者的國家數目似乎多的，國家的地位就更不用說。

近日傳聞，繼英國後，有港人獲澳、加、美庇護。但單一例子，唔好以爲鴻鵠將至。如果成批人湧去，人地好快就驚咗。到時怕反過來，造就排外的右派。

由多年前的中東顏色革命到去年香港反修例，全世界激進派既通病係重血氣輕實質，高估網絡、理念的作用，低估政經社的深層基礎。單靠FB、Instagram既Like就以爲天下就在我腳下。

我當初話，人地大可以任個條走佬船出海，係因爲睇到AD既地圖。原來在港一落海係港水域。但向外開出去，超出港水域後，不但唔喺入到公海，反而係入咗內地水域。換言之，內地水域包住港水域。要繼續往外開，超出內地水域後，方係港警和內地海警均無權執法的公海。

換言之，走佬船超出港水域後，反而仲衰！如果班靚事前就知道有咁既陷阱，仲敢唔敢博？

我當日咁講，純粹係睇地圖想到，並無任何依據。而家的救人team講到有人特登放條船離開港海，甚至派直升機‘護航’，really？

但話說回來，兩陣對圓，實戰+心戰，兵不厭詐。你識得籌錢買船揸出怒海，但又唔識起碼既航海法規。好似識揸Ferrari，但唔識分雙單程路。車上仲要坐滿人，咁就認真濕滯。

裡面的確應嚴格依法辦案，在法定時間內通報、起訴，俾人自委律師...而家好似唔喺幾嚴謹。但你地自己送上門又確係事實，唯依法查處完，先番得離屋企。

再說，你地委任個的律師，會唔會愈幫愈忙，連自己都落埋水？何必呢？

最後，村上san，千祈要睇得開，唔好學你的藝員同胞呀！你話唔定好似Stephen Hawking。20世紀數一數二的物理學家，但就係攞唔到諾貝爾，遺憾終身！

講起今年諾貝爾，化學獎俾兩位女士我冇意見。但睇完成段新聞，竟然冇一個字係我所知既化學。我衰衰地都讀咗大學四年，個個禮拜做實驗，連最驚既organic都交差。咁既化學獎真係未聽過。

新聞話，佢地既成就係準確地切開DNA之類。念咗好耐，估所謂切開係用化學方法，break咗個bond。唔係點算得化學。

由此可知，我若重頭黎過，肯定升唔到大。

不止此，周前迎月，家人8個月來首次歡聚家宴。家裡的小學生開出餐單。dessert後跟住pomelo，我聽到未聽過。問小朋友：柚子呀！死啦，如果重頭來過，實好自卑。怪唔得而家要有咁多人權、心理輔導。

如果我老豆有錢仲好的，最多送我入國際學校，避開港式教育。但以佢個時既環境，與住劏房都差唔多。我實死梗。