201003六晚28°C 78%：港式胡錫進

泛民議員擾攘了幾個月，到頭來19人留守，幾近原點。政治正確之害，由此可見。

從全民利益出發，只要履責做實事，留守好過棄守。但若像建制預言，志在肢體抗爭，又作別論。

反之，建制的傳統左派，很可能靠壓倒性票數來報仇，激發惡性鬥爭，令棄守的少數派看似明智：都話咗架啦，留守自取其辱，上街先係正途！

葉劉雖一貫law and order，但非紅底出身，如今竟在NYT高呼“Hong Kong is China, Like it or not”，仿似港式胡錫進。若此，傳統左派在國安法下就更不得了。

的確，香港係中國個仔。老豆閂埋門教仔，本來想點都得。但而家衰多人權，個仔萬一唔服，俾街外知道，會俾人唱衰甚至拍門。再退一步講，老豆無論幾有權威，萬一個仔反骨，係都唔服，唔通監生打死咩？

而家香港就係咁麻煩。看前日10.1加中秋，班後生在國安法下再次上街，一日內捕近百人，可見有人’判爛’（豁出去），刻意以身試法，不惜set precedent.

呢班人全港或只有兩三百，即便以反修例人士也只是零頭，但在國際上看重如泰山。記得當年Reagan學電影裡的Clint Eastwood，笑着挑戰民主黨，Go ahead. Make my day.這是獨行俠演的三藩市嫉惡如仇悍探Dirty Harry，用大口徑Magnum 44對準挾持人質的匪徒時說的：夠膽就郁手！俾我開槍過下癮！林鄭在國際上也有可能這樣被招呼。香港建制心理上或者預咗，但最怕入肉時的感覺赤得多。