200616二晚28°C 86%：美中有轉圜？

   今：「五大訴求」一週年。林鄭重欠四個噃，冇人出街慶生既？
   講離講去都係國安法，我pass。講番我有興趣既。

    特朗普鬧咗中方幾個月後，突然派國務卿（外長）週三係夏威夷見楊潔篪。同一刻，傳聞美企或獲准與華爲共同開發美國的5G標準，又話美國唔係要做國際警察。唯一的解釋係：特朗普知道選情不利，對華放軟以救亡。
   中方也明白自己無力鬥美國。只不過厲害的話講咗幾年，14億人信到足，唔認得低威。
   轉軚縱冇面，總好過死撐。但唔好太大希望，唔一拍兩散就算成功。東亞週五清晨（夏威夷是美國最西端的州份，當地週三東亞已週四）睇新聞啦！
    此時選在夏威夷傾，或有寓意。這是美國1941年聖誕前夕被日軍偷襲，太平洋艦隊幾乎全毀的傷心地。
    但對華關係來說，檀香山/火魯奴奴是中國推翻帝制建立共和的孫中山少年時讀書的地方。中國國父兒時在中山啓蒙，接着到檀香山讀中學，受美式基督教薰陶。然後再返回華人的香港學醫。換言之，孫中山認真係國際教育出離既：中國小學，美國中學，香港的英殖大學。
    孫先生在夏威夷住咗好幾年，足夠資格入籍。美國可以話係，我爲中國培養咗國父。用港極左派的邏輯，中華民國第一任總統話唔定係美國既臥底。
    美中在檀香山相見，少不免要回顧這段往事。或許參觀孫先生當年的住處和學校。
    夏威夷還有一個重要性，不過特朗普最憎：美國第一個黑人總統成長的州份。夏威夷此前似乎未出過總統。
    特朗普此時出怪招，會否與他與中國老友的生日有關：世界第一、二大經濟體領袖的生日原來只差一天。特總剛過去的週日74歲，習主席/總書記則昨週一67。習總連任無懸念，但特總要加油，否則來年就難以繼續稱兄道弟。

    中印邊境衝突終見傷亡：事發加勒萬河谷。AD說中5死11傷 vs印3死。
    中印最近多次開片，主要是互毆和擲石。這次據說也未開火。印軍這樣厲害，或許人多。但中國功夫也頂不住？
    最近看中方的62年中印邊境大戰記載。那是最怪的戰爭：據說印方一再入侵，中方自衛還擊，攻入印境，大勝對方。但主動停戰，撤回邊境，談判交還俘獲的印軍和武器。
    中共雖然不愛中華傳統，但「王道」是例外。對外由二戰放棄對日索償起，對周邊國家一向像古代中國，以「王道」自許。但可惜，受過中國恩惠的周邊國家，最後大都翻臉。錢買友誼有如用錢買笑，一冇真心，二有時限，唔好當真。