雨終於停了，可恢復晨運，連蚊都不來騷擾。
上午整牙。而家醫學進步，唔痛。只不過要見醫生幾次，先完成整個工程。
記得兒時剝過大牙，打完手指咁粗既麻醉針後，用鉗撬到勒勒聲，斷落時啪得幾大聲。 我係細路裏面，算係好忍得，咬緊牙關，好少喊。但而家講起舊時剝牙都驚，唔好話自己坐係牙醫椅上個時。
係廣州最後兩年，父親無業，母親牌照打，租來的鋪頭不得不分租。牙醫進駐樓面。比先父年輕，但兒子與我年齡相若。沒有病人時，我們會坐上牙醫椅嘆世界。
57年父親帶我來港不久後，聽講梁醫生也落咗離，係城寨做密醫。當時父親要打工，我仍屬early teen，從小不Like甜，未需要光顧牙醫，一直冇去過訪敘舊。後來唔知幾時，聽講梁醫生走咗。
港疫情接近尾聲。保佢大唔好反彈。但世事難料，一場聚集即可翻盤。這樣說並非藉疫情來反社運。美國反警暴、反歧視也有同樣的風險。我若身在美國，應該也會去遊行，整個事件太無理。
但始終不太明白，美國的風暴爲何會驟然收起。
75歲既阿伯俾警察當面推倒，後腦着地出血。原來係做戲屈警察，咁都俾阿侵諗到，抵佢做總統。連任好運啦！
美國出事後，北美每天傳來十幾個WhatsApp。多來自weixin，就如香港黃絲多用Instagram。內容一面倒踩美國、特朗普...，間接爲中國出氣。除了這一則：
https://mp.weixin.qq.com/s/GOJ9XwWXm-Fz3uGJdIuk8A
與近年《厲害了，我的國》的主旋律唱對台，可被指爲敵作倀。
內地文風，篇幅長，但不外一句話：
在可見的將來，中國都沒有本錢與美國鬥。收心養性爲上着。
換言之，主張回到鄧大人的「韜光養晦」。
不料，我剛才試過訪此網址，發覺「此内容因违规无法查看」。
果然《厲害，我的國》
沒有留言:
張貼留言