又懶了好幾天，來到2019年除夕。繼續密雲「作」雨，與過去的一年很貼切：於己於人，多年來最差。
年三十晚，海外有族長突然離世。個多月後，輪到我有生以來最長的入院。臥牀期間，社運爆發。4月中出院，撞正封路，的士司機嗷嗷聲。要落車戴住腰封撐住柺杖，行一個鐘返家。緊接着的香港，人盡皆知。
此外是日漸有朋友隨年事而離開。入冬後傳來兩宗。其中的「師弟」（與我不同系，但入學較遲，勉強這樣稱呼）離開已大半年，是同窗在校刊裏發現的。這才醒起，很多同窗離校即失聯，50年後在訃聞裏相見。
我這個年紀，同輩告別屬個別的例子，但應會按年遞增。且看2020。
但年事越高越感恩。即使復原得好，力度、柔軟度正如gym Sir話，番唔嗮離。但足以行走自理，唔使煩家人，已很滿足。我信成事在天。無論多注重健康，厄運真要降臨，只怕避無可避。每天醒來，感覺良好，就要謝天，盡力過好佢。
香港今年聖誕，多了忍者的「祝福」。針對阿爺，係商場連炒4晚。出於理念買黃唔買藍無可厚非，正如有人杯葛阿麥食肥人。但砸鋪、逼走正在光顧的食客，令人想起1938年底德國的「碎玻璃之夜」。鬧人Chinazi，自己Yenazi。
個日晏晝臨時要落街。日常在家少見天，步出大廈先知密雨。回頭攞遮時，想到當時的集會。事後主辦者報稱4,000。
記得前幾個月也有集會很大雨，但睇影像有氣氛，與會者很堅定。呢次睇新聞，冇呢種感覺。再回想，月來幾乎每日都有集會，但人少冇氣勢，完事就算勝利。
看和理非持續集會vs連登上有人一再動員和死炒「藍鋪」，雙方有點疏離。雖然都繼續堅持五大訴求，但用什麼手法、自己能出多少力、對進度的耐性，頗有差距。和理非似乎從長計議。但忍者怕lose steam，大力出擊，既係對「敵」，亦係激勵同道。
只要見連登激進言論再增，力推港獨，要美國保護...，感覺到忍者的危機感，短期內會更勇武。
但打了幾個月，忍者也改進了策略：由攻「狗竇」、拆「黨鐵」改爲隊冧以藍爲本的市道。暫時也唔再見刀鎅頸、火燒人的謀殺行動。
我唔信佢地隊得冧藍市，更唔信單靠黃絲消費，就養得起300幾萬打工人。但完全同意：香港過去50年靠高地價、高消費的四大產業經濟很不健康（除了貧富懸殊，更深層的弊病是非人性，以成交額爲檢驗真理的唯一標準），必須向大小均衡、有小型美（small is beautiful）的經濟轉型。
香港人咁鍾意遊日，就因爲日本既經濟和社會制度保留咗大量小店鋪，加上文化上既職人精神。店無大小，一律做足本分，對顧客親切，唔係香港咁，你俾錢我交貨bye bye。遊客在日本覺得心暖，尊重通街通巷唔起眼既鋪頭仔。即使招待奧巴馬來訪既壽司之神，幾十年都只有10個位。去日本玩，你會去大酒店食餐？
但本港50年既經濟結構，市民即使同意轉型、努力調整，也可能要30年才能完成。打窒藍鋪能縮短呢個過程？再說，連登已有人問：只看政治來幫襯，如何避免經濟學上的道德風險？
本季唯一好睇既日劇《東京大飯店》結局剛上網。趕在倒數前睇完。我本來討厭木村，但此劇令我改觀。上文先上至此，再續。
我還未及寫的觀點係：反修例者好有腦，做大警暴、攬炒經濟兩大策略令當局捱打。我buy 3.5訴求，反對蒙面法。非出於原則，而是不可能執行。
Happy New Year. See you next year.
2019年12月31日 星期二
2019年12月25日 星期三
191225三聖誕日午22°C 72%：聖誕今後要逐漸淡出？
MP頭條大題〈走過崎嶇2019 xxx聖誕文告籲和解 鼓勵邁步「為世界帶來改變」〉。聽來像香港的「洋」教領袖。原來係英女王。借他山之石以攻錯，很MP。
與此同時，中聯辦在港帶頭學習主席「四個始終」的講話。內地宗教局聖誕賀信促學「習思想」，多地禁賀聖誕，促幹部不過「洋節」...（Btw，台灣源於早期的國民黨傳統，「聖」專指孔夫子，每年12月25日稱「耶誕」而不稱「聖」，更不放假。移民台灣的話，在這方面近大陸多過香港。但當然，拜耶穌有充分的自由，教會更普遍偏綠。）
今後港人要逐漸習慣內地的政治學風，取代洋教的讀經祈禱。自幼稚園起，每週一次學習政治形勢、最高指示，俾能從小身體力行「三大紀律、八項注意，四不四要，三個代表，五講四美、...」等階段性的強國指標。
與此同時，中聯辦在港帶頭學習主席「四個始終」的講話。內地宗教局聖誕賀信促學「習思想」，多地禁賀聖誕，促幹部不過「洋節」...（Btw，台灣源於早期的國民黨傳統，「聖」專指孔夫子，每年12月25日稱「耶誕」而不稱「聖」，更不放假。移民台灣的話，在這方面近大陸多過香港。但當然，拜耶穌有充分的自由，教會更普遍偏綠。）
今後港人要逐漸習慣內地的政治學風，取代洋教的讀經祈禱。自幼稚園起，每週一次學習政治形勢、最高指示，俾能從小身體力行「三大紀律、八項注意，四不四要，三個代表，五講四美、...」等階段性的強國指標。
191225三近午20°C 78%：唔係呀嘛？
中日韓《三國演義》？即係話兩個弱者會聯手抵禦最強個個來犯？但最終都被後者所滅？咁邊國係邊國？又邊個係最乞人憎既曹操？
據內地史家易中天說，目前流傳的《三國演義》版本經清朝毛姓父子篡改，與明朝羅貫中的原著大不同，主要是維護皇朝正統觀，以劉備爲漢朝繼承人、曹操爲篡漢逆賊，從而揚備貶操。我們這些現代人buy嗮毛版《三國》：愛蜀/劉備和孔明，憎魏/曹操。想接近史實要睇陳壽既《三國志》。但文言枯燥，曲高和寡。
據內地史家易中天說，目前流傳的《三國演義》版本經清朝毛姓父子篡改，與明朝羅貫中的原著大不同，主要是維護皇朝正統觀，以劉備爲漢朝繼承人、曹操爲篡漢逆賊，從而揚備貶操。我們這些現代人buy嗮毛版《三國》：愛蜀/劉備和孔明，憎魏/曹操。想接近史實要睇陳壽既《三國志》。但文言枯燥，曲高和寡。
2019年12月24日 星期二
191224二雲22°C 73%：Who’s to blame? Not the doers, definitely.
昨晨見過去兩天接連有金行錶鋪劫案，正想上博，即日竟然又多一單。但其時正要外出。晚飯後覺累，睇戲打發，拖到今日才寫。
有統計說，劫案〈（昨起計）18小時三宗；砸飾櫃本（12）月5宗〉。但關鍵不在案件宗數，而是責任在官還是民？
反建制報說〈警賴示威〉。關鍵在「賴」字。言下之意，警方唔認失職，反指示威者分散警力，予劫匪可乘之機。但該報隨即藉苦主之口引導輿論：〈冇軍裝巡邏〉。原來，〈警無冬防更〉，足證「克警」只識濫暴唔識防盜。甚至不排除：特登放pear，俾劫匪橫行，想市民遷怒示威者。
文宣厲害就係厲害，乜都講得掂！
有統計說，劫案〈（昨起計）18小時三宗；砸飾櫃本（12）月5宗〉。但關鍵不在案件宗數，而是責任在官還是民？
反建制報說〈警賴示威〉。關鍵在「賴」字。言下之意，警方唔認失職，反指示威者分散警力，予劫匪可乘之機。但該報隨即藉苦主之口引導輿論：〈冇軍裝巡邏〉。原來，〈警無冬防更〉，足證「克警」只識濫暴唔識防盜。甚至不排除：特登放pear，俾劫匪橫行，想市民遷怒示威者。
文宣厲害就係厲害，乜都講得掂！
191224二雲19°C 85%：踩到盡博你反面?
今勁報評論版頭位〈習近平不過是壽西斯古般的貨色〉。主筆署名，相當於社評。
Who’s壽西斯古?40前代怕冇人識。Ceaucescu，蘇聯東歐集團解體前夕的羅馬尼亞末代總書記，被羣衆推翻，最後與妻子被當衆處決，可說是1917年沙俄布爾什維克革命處決末代沙皇尼古拉二世全家，包括婦孺的鏡像。
社評以此爲題，想博你反面，從而俾西方制裁？
Who’s壽西斯古?40前代怕冇人識。Ceaucescu，蘇聯東歐集團解體前夕的羅馬尼亞末代總書記，被羣衆推翻，最後與妻子被當衆處決，可說是1917年沙俄布爾什維克革命處決末代沙皇尼古拉二世全家，包括婦孺的鏡像。
社評以此爲題，想博你反面，從而俾西方制裁？
2019年12月23日 星期一
191223一午後21°C 82%：由反修例想起國軍5次剿共
反修例6個半月來，似乎頭4.5個月示威者贏嗮；但最近個幾2個月，警方改佔上風，稱勝仍早，但示威者人與招都顯得後勁不繼。
中大與理大兩役，尤其是後者，令形勢反轉。連登當時就有人說，「陣地戰」是敗筆。
這使我想起60年代後期，在美與幾個港生讀的近代史。說白了，幾乎是國民黨剿共的翻版。國民黨1927年清（共）黨後，先後5次派兵追擊共軍。
共軍深知正面唔夠打，只能打遊擊，毛澤東所謂「敵進我退，敵退我進，敵疲我打，敵退我追」。總之，唔同你當面打，只同你玩動漫”Tom and Jerry”的遊戲：匿係農村山林，利用農民同情，通報敵情、幫助補給（相當於香港今天的和理非），在國軍不經意時偷襲，得手即逃，令國軍杯弓蛇影。
如是，國軍頭4次剿共都失敗。要到第5次，德國軍事顧問獻策：進一步建一堡，逐步逼近共軍巢穴。國軍守在碉堡裏，共軍無法偷襲，終被擊潰。損失慘重下，由毛澤東率領，向西北撤退，是爲「2,5,000里長征」。
如果反修例的勇武派vs港警~共軍vs國軍，則國軍頭4次剿共相當於反修例頭4個月，反修例大勝。但其後勇武派進佔理工，被警方圍堵，相當於第5次剿共。
不同的是，當年是國軍改變戰術，用陣地戰進逼共軍。如今是勇武派自行退守，畫地（理工）爲牢。用毛澤東的說法，是極左盲動，自討苦吃。
另一點不同的是：勇武派輸咗理工一役，冇得後退長征，匿埋休養生息，博他日捲土重來。
未寫完。或今晚再續。
中大與理大兩役，尤其是後者，令形勢反轉。連登當時就有人說，「陣地戰」是敗筆。
這使我想起60年代後期，在美與幾個港生讀的近代史。說白了，幾乎是國民黨剿共的翻版。國民黨1927年清（共）黨後，先後5次派兵追擊共軍。
共軍深知正面唔夠打，只能打遊擊，毛澤東所謂「敵進我退，敵退我進，敵疲我打，敵退我追」。總之，唔同你當面打，只同你玩動漫”Tom and Jerry”的遊戲：匿係農村山林，利用農民同情，通報敵情、幫助補給（相當於香港今天的和理非），在國軍不經意時偷襲，得手即逃，令國軍杯弓蛇影。
如是，國軍頭4次剿共都失敗。要到第5次，德國軍事顧問獻策：進一步建一堡，逐步逼近共軍巢穴。國軍守在碉堡裏，共軍無法偷襲，終被擊潰。損失慘重下，由毛澤東率領，向西北撤退，是爲「2,5,000里長征」。
如果反修例的勇武派vs港警~共軍vs國軍，則國軍頭4次剿共相當於反修例頭4個月，反修例大勝。但其後勇武派進佔理工，被警方圍堵，相當於第5次剿共。
不同的是，當年是國軍改變戰術，用陣地戰進逼共軍。如今是勇武派自行退守，畫地（理工）爲牢。用毛澤東的說法，是極左盲動，自討苦吃。
另一點不同的是：勇武派輸咗理工一役，冇得後退長征，匿埋休養生息，博他日捲土重來。
未寫完。或今晚再續。
191223一近午21°C 82%：同病相憐
仲有兩日就聖誕。再一個月就過年。年晚流流，一年一度趕理財。
今MP財經頭說，手機開銀行戶，八中有七唔識新身分證。唯匯豐過關。
我有親身體驗。定存到期，想搵高息。但只接受app開戶，要映身份證。但映親都唔收貨。以爲有乜trick，翌日去櫃檯，想當住職員既面做。原來答案係：app唔識新身份證！我咁衰啱啱換咗，仲以爲有着數！
但呢次既新舊「銜接」，中資反而唔夠英資厲害。全球唯美國可比的AI哪裏去了？
今MP財經頭說，手機開銀行戶，八中有七唔識新身分證。唯匯豐過關。
我有親身體驗。定存到期，想搵高息。但只接受app開戶，要映身份證。但映親都唔收貨。以爲有乜trick，翌日去櫃檯，想當住職員既面做。原來答案係：app唔識新身份證！我咁衰啱啱換咗，仲以爲有着數！
但呢次既新舊「銜接」，中資反而唔夠英資厲害。全球唯美國可比的AI哪裏去了？
191223一20°C 84%：用心良苦！
港昨最有價值的新聞無疑是千人集會挺維吾爾族。無論同情或反對，客觀上都是當然的頭版頭條。
但半個世紀以來，最講新聞道德的大報今以某大學出租泳線做頭版頭。這不可能是手民之誤，而怕是用心良苦。
不用說，挺維太刺激。此舉看似維護人權。但無人不知，維族有人求獨立，不惜用恐怖手段。當局也爲此用最厲害的手段反制。由於特爲維族設「教育營」，令人想起二戰期間的德國。西方議論紛紛，本港甚至有人詆譭爲”Chinazi”。
昨天的集會應屬反修例6.5個月以來，最「毒」的一次。一些久違了的標語旗號，包括藏人的雪山獅子旗，再度在金融中心飄揚。更有人再度扯下政府物業的五星旗踐踏。有警員爲此抽出配槍，近距離指向一位未蒙面的黑衣女士，成爲抗爭者昨日指控警暴的「明證」。
誠然，上述大報一向最愛捉權貴濫權。但昨天是星期日，大學出租政府無償批地建造的設施，不可能是第一次發生。將此前已存在的事壓到今週一來抬上頭版頭，以代中央可能頂唔順既大事，應記一功。
但半個世紀以來，最講新聞道德的大報今以某大學出租泳線做頭版頭。這不可能是手民之誤，而怕是用心良苦。
不用說，挺維太刺激。此舉看似維護人權。但無人不知，維族有人求獨立，不惜用恐怖手段。當局也爲此用最厲害的手段反制。由於特爲維族設「教育營」，令人想起二戰期間的德國。西方議論紛紛，本港甚至有人詆譭爲”Chinazi”。
昨天的集會應屬反修例6.5個月以來，最「毒」的一次。一些久違了的標語旗號，包括藏人的雪山獅子旗，再度在金融中心飄揚。更有人再度扯下政府物業的五星旗踐踏。有警員爲此抽出配槍，近距離指向一位未蒙面的黑衣女士，成爲抗爭者昨日指控警暴的「明證」。
誠然，上述大報一向最愛捉權貴濫權。但昨天是星期日，大學出租政府無償批地建造的設施，不可能是第一次發生。將此前已存在的事壓到今週一來抬上頭版頭，以代中央可能頂唔順既大事，應記一功。
2019年12月19日 星期四
191219四深夜19°C 75%：大時代，憂心死
晨運了幾個月，今首見霧鎖香港。雖與電影裏的霧中倫敦仍差得遠，更冇輪船鳴笛，但總算有點意境。
不知是否因爲霧，晤見每天此時在附近停靠的黃冠白鸚鵡。直到我即將離去，才有一隻飛過來。大霧會否影響它們覓食？
白鸚鵡好睇唔好聽：聲「拆」得個嘈字，但立在柱子上很威。有三隻常伴我左右，其中兩隻企得較近。怕係另一對「走」咗一隻。動物或不像人咁易續絃，人可否幫手？
縱退休已久，也脫不了幾十年的本行關係。熟人偶爾碰面，不免呻一輪近月的情勢。家裏若有後生，上一代首先要保護佢地，怕受傷、惹官非，根本談不上了解、說服。
感覺上，後生90%偏黃，能保持和理非，父母就已安心。萬一週末晚唔見人，父母擔心死。終於接到消息，趕去接「放學」。唔好彩既話，自己都可能領嘢。
至於家人分黃藍，在所難免。20幾年前陳水扁首次當選總統前夕，台灣既八卦就係邊對夫婦爲藍綠而離婚。今日既香港，在家一人講少句，唔離家出走，就算係咁。大時代，更要忍。
監警會既外國顧問全體劈炮，令絕大多數人更深信：官方既檢討係廢既。昨連親建制既民調組織都被quoted：〈逾半港人不滿法治 認同違法達義倍增〉。這絕對係災難。一個社會若有七八成人唔接受政府，仲點管轄？
暴力雖大爲收斂，但抗爭死死咬住。如今看，聖誕、新年甚至一個月後既過年，都會繼續攬炒。唔怕講，老人冇乜社會活動。你咪炒囉，我食麪包、公仔麪都過得去。但對少青中，再拖落去會浪費一代甚至兩代人。
周前，有久居海外既港友睇唔過眼，萬里外來電。應屬傳統既付費長途電話，唔係WhatsApp一類既free lunch。友人覺得當局應開明的，先解開目前的死結。但以我主觀看，中共早已把港局提升到國安、主權層次，非特區所能決定。
中共頂峯今天莫說冇「趙紫陽」，即便有，也做不出什麼。趙當年的自由化改革，說白了是戊戌維新翻版：靠一批書呆來開放中國。但適逢列根和戴卓爾的右翼自由主義主宰全球，針對封閉的社會，主要的藥方是shock therapy：一夜間撤除對市場的統制。短期會亂一陣，但咬緊牙關頂過去，自由市場就會出現，自此與全球經濟接軌，就好似女人生仔：只要頂過去，就會出個好仔。在1989年，列根和戴卓爾氣勢磅礴。痛恨文革的中國書呆對這種美式naivete信到十足，可以理解。
趙紫陽是好人，但腦力有限。淪爲六四光緒後，以烈士身份成爲中國自由派當然的火炬。但相信港人還記得：中英就港接近達成協議時，有港記以質疑的口氣問佢。佢反問：（中國收回香港，）你們（港人）怕什麼？Anybody in Hong Kong with the right mind都知道答案，唯獨最精通馬列的總書記大人唔明。我相信佢唔係扮曚。
回到正題，而家習近平超強勢，8,000萬黨員裏即使有個別「趙紫陽」，也論唔到佢出聲。唔怕講，我地既曾鈺成就係港版「趙紫陽」。睇傳統左派憎佢憎過黃之鋒就知，佢肯定係資深黨員，只不過係港人，所以冇消失。
再講，以今日香港年輕人既行爲，客觀上港局也確已上升到主權層次。有唔少（我估至少有四成）港青想獨立。只不過經過呢半年既抗爭，逐漸明白港獨近乎死罪，近月唔敢再公開嗌或燒國旗...。但我敢話，內心絕對咁諗。只不過老一輩海外港人幾十年慣咗只睇NYT、CNN...，才會覺得港青其實只係要自由、民主。睇番下港媒，尤其係連登就知，對佢地來說，只要與中共同屬一國，自由就會逐漸被侵蝕，民主就更無望。
咁講並非同意呢種睇法，而只是講出佢地既思維。信唔信由你。
不知是否因爲霧，晤見每天此時在附近停靠的黃冠白鸚鵡。直到我即將離去，才有一隻飛過來。大霧會否影響它們覓食？
白鸚鵡好睇唔好聽：聲「拆」得個嘈字，但立在柱子上很威。有三隻常伴我左右，其中兩隻企得較近。怕係另一對「走」咗一隻。動物或不像人咁易續絃，人可否幫手？
縱退休已久，也脫不了幾十年的本行關係。熟人偶爾碰面，不免呻一輪近月的情勢。家裏若有後生，上一代首先要保護佢地，怕受傷、惹官非，根本談不上了解、說服。
感覺上，後生90%偏黃，能保持和理非，父母就已安心。萬一週末晚唔見人，父母擔心死。終於接到消息，趕去接「放學」。唔好彩既話，自己都可能領嘢。
至於家人分黃藍，在所難免。20幾年前陳水扁首次當選總統前夕，台灣既八卦就係邊對夫婦爲藍綠而離婚。今日既香港，在家一人講少句，唔離家出走，就算係咁。大時代，更要忍。
監警會既外國顧問全體劈炮，令絕大多數人更深信：官方既檢討係廢既。昨連親建制既民調組織都被quoted：〈逾半港人不滿法治 認同違法達義倍增〉。這絕對係災難。一個社會若有七八成人唔接受政府，仲點管轄？
暴力雖大爲收斂，但抗爭死死咬住。如今看，聖誕、新年甚至一個月後既過年，都會繼續攬炒。唔怕講，老人冇乜社會活動。你咪炒囉，我食麪包、公仔麪都過得去。但對少青中，再拖落去會浪費一代甚至兩代人。
周前，有久居海外既港友睇唔過眼，萬里外來電。應屬傳統既付費長途電話，唔係WhatsApp一類既free lunch。友人覺得當局應開明的，先解開目前的死結。但以我主觀看，中共早已把港局提升到國安、主權層次，非特區所能決定。
中共頂峯今天莫說冇「趙紫陽」，即便有，也做不出什麼。趙當年的自由化改革，說白了是戊戌維新翻版：靠一批書呆來開放中國。但適逢列根和戴卓爾的右翼自由主義主宰全球，針對封閉的社會，主要的藥方是shock therapy：一夜間撤除對市場的統制。短期會亂一陣，但咬緊牙關頂過去，自由市場就會出現，自此與全球經濟接軌，就好似女人生仔：只要頂過去，就會出個好仔。在1989年，列根和戴卓爾氣勢磅礴。痛恨文革的中國書呆對這種美式naivete信到十足，可以理解。
趙紫陽是好人，但腦力有限。淪爲六四光緒後，以烈士身份成爲中國自由派當然的火炬。但相信港人還記得：中英就港接近達成協議時，有港記以質疑的口氣問佢。佢反問：（中國收回香港，）你們（港人）怕什麼？Anybody in Hong Kong with the right mind都知道答案，唯獨最精通馬列的總書記大人唔明。我相信佢唔係扮曚。
回到正題，而家習近平超強勢，8,000萬黨員裏即使有個別「趙紫陽」，也論唔到佢出聲。唔怕講，我地既曾鈺成就係港版「趙紫陽」。睇傳統左派憎佢憎過黃之鋒就知，佢肯定係資深黨員，只不過係港人，所以冇消失。
再講，以今日香港年輕人既行爲，客觀上港局也確已上升到主權層次。有唔少（我估至少有四成）港青想獨立。只不過經過呢半年既抗爭，逐漸明白港獨近乎死罪，近月唔敢再公開嗌或燒國旗...。但我敢話，內心絕對咁諗。只不過老一輩海外港人幾十年慣咗只睇NYT、CNN...，才會覺得港青其實只係要自由、民主。睇番下港媒，尤其係連登就知，對佢地來說，只要與中共同屬一國，自由就會逐漸被侵蝕，民主就更無望。
咁講並非同意呢種睇法，而只是講出佢地既思維。信唔信由你。
2019年12月18日 星期三
191218三近午暖：去澳門學習v2
駐英大使費心了。澳門的榜樣，港人早已心領。身歷主席今親臨濠江主持回歸20週年大慶，對澳門出於必須的特事特辦，更且神會。何須港報頭版頭條來提醒？
港澳旅遊業應爲港人，至少是青少年，開辦澳門培訓營。澳門天大地大，只出入酒店賭場是不夠的。
以下是今晚加添的：
主席飛抵澳門後，盛讚其一國兩制的實踐。香港冷暖自知。
香港風雲變色半年後，與國家在足球場上狹路相逢。幸虧在韓國打，而且是連雞肋都不如的東亞四角賽包尾戰，同日稍後由日韓爭冠亞。場內據說只有幾十名內地躉，專程前往sell本土的港躉也不過百多人，炒唔起。換了在港打，綠衫好唔得閒。國家隊淨勝2:0。冇法啦，今日旺澳門，not HK day。
當局周前迅速回應茂名村民的「港式」抗爭，不建火葬場。我當時就念，咁順攤？香港都拖半年。今港報傳〈易地興建再掀抗爭 打死人〉。易地、抗爭或難免，「打死人」希望係流料。但〈抗爭倘涉政治必遭嚴打〉又確係常理。希望呢次純屬利益衝突。
有港報附圖說，河南省中部汝州市、平頂山市郟縣、許昌市等地有廟宇供奉領導人。看內文，附圖（圖右）似攝於汝州去年十月開光的「中原一點紅」廟。拜領袖，古今中外都有，連西方文化源頭的古羅馬帝國都不免。但無神論國家的人民因爲太愛領袖而自發，應該點睇？
我想知既係：點解河南省仲熱過延安、井岡山？
阿里巴巴馬雲、騰訊馬化騰先後退休（是否還有李開復？）。傳說今天輪到聯想Lenovo（將美國電腦王國IBM收歸中國的民企）的柳傳志。境外總說「國進民退」。但其實是否「黨進民企」：像文革那樣，派員進駐民企，確保其與黨看齊？
華「獨」真的這樣多？繼台、藏、疆、台、港、蒙後，港報說，〈旅外學者返華被扣 疑因鼓吹「滿獨」〉。滿族不是早於1644年入主中原，統治人數百倍的漢人200多年後，被博大精深的漢族文化同化，自己爛掉了嗎？若旗人都已不存，滿又如何獨得起？
港澳旅遊業應爲港人，至少是青少年，開辦澳門培訓營。澳門天大地大，只出入酒店賭場是不夠的。
以下是今晚加添的：
主席飛抵澳門後，盛讚其一國兩制的實踐。香港冷暖自知。香港風雲變色半年後，與國家在足球場上狹路相逢。幸虧在韓國打，而且是連雞肋都不如的東亞四角賽包尾戰，同日稍後由日韓爭冠亞。場內據說只有幾十名內地躉，專程前往sell本土的港躉也不過百多人，炒唔起。換了在港打，綠衫好唔得閒。國家隊淨勝2:0。冇法啦，今日旺澳門，not HK day。
當局周前迅速回應茂名村民的「港式」抗爭，不建火葬場。我當時就念，咁順攤？香港都拖半年。今港報傳〈易地興建再掀抗爭 打死人〉。易地、抗爭或難免，「打死人」希望係流料。但〈抗爭倘涉政治必遭嚴打〉又確係常理。希望呢次純屬利益衝突。
有港報附圖說，河南省中部汝州市、平頂山市郟縣、許昌市等地有廟宇供奉領導人。看內文，附圖（圖右）似攝於汝州去年十月開光的「中原一點紅」廟。拜領袖，古今中外都有，連西方文化源頭的古羅馬帝國都不免。但無神論國家的人民因爲太愛領袖而自發，應該點睇？
我想知既係：點解河南省仲熱過延安、井岡山？
阿里巴巴馬雲、騰訊馬化騰先後退休（是否還有李開復？）。傳說今天輪到聯想Lenovo（將美國電腦王國IBM收歸中國的民企）的柳傳志。境外總說「國進民退」。但其實是否「黨進民企」：像文革那樣，派員進駐民企，確保其與黨看齊？
華「獨」真的這樣多？繼台、藏、疆、台、港、蒙後，港報說，〈旅外學者返華被扣 疑因鼓吹「滿獨」〉。滿族不是早於1644年入主中原，統治人數百倍的漢人200多年後，被博大精深的漢族文化同化，自己爛掉了嗎？若旗人都已不存，滿又如何獨得起？
2019年12月17日 星期二
191217二晚23°C 74%：呢次聖誕又多2個唔快樂既人
晚了，該動筆。才堅持了兩天，唔想又脫博。
可以相信，港珠澳大橋中途的人工島屬內地地界。
但港人/澳人從港或澳出發去另一頭，車票講明係來回港、澳，難道因爲所乘的車必須穿過內地的人工島，就當曾進出內地，要接受多一重安檢？
主席大人明起來澳慶祝回歸20週年。爲保安全，期間將內地的維穩手段搬到澳門，令港人對國情有切膚的體驗。除了在人工島增設內地安檢，剛通車的輕鐵期間停駛，此前香港的美國商會頭頭去澳門同的同胞聚會，都被打回頭...。唔怪得內地最旺既地方仲安全過香港，因爲0.0001%既風險都篩嗮，捉錯好過放過。
但咁只怕將客趕翻去坐船來往港澳，大橋更還唔到本。
今日香港更勁既係：法庭又DQ多2名泛民立會議員，至今合計8票。由此看，明年九月既立會選舉，怕係報名階段就篩嗮呢一派，不待當選先離追究，嘥心機捱眼訓。篩嗮後，建制話事，立會寧靜有效得多。
寫至此，記起日本德川幕府後期禁教。要一衆疑似教徒當衆踐踏擺在地下既耶穌像、十字架，邊踩邊吐口水。肯做就無恙，否則當衆虐死。有不少日人殉道。
我地今後會唔會要報名參選者在鏡頭前否定本土、獨，像內地嫌疑人錄影悔過？
可以相信，港珠澳大橋中途的人工島屬內地地界。
但港人/澳人從港或澳出發去另一頭，車票講明係來回港、澳，難道因爲所乘的車必須穿過內地的人工島，就當曾進出內地，要接受多一重安檢？
主席大人明起來澳慶祝回歸20週年。爲保安全，期間將內地的維穩手段搬到澳門，令港人對國情有切膚的體驗。除了在人工島增設內地安檢，剛通車的輕鐵期間停駛，此前香港的美國商會頭頭去澳門同的同胞聚會，都被打回頭...。唔怪得內地最旺既地方仲安全過香港，因爲0.0001%既風險都篩嗮，捉錯好過放過。
但咁只怕將客趕翻去坐船來往港澳，大橋更還唔到本。
今日香港更勁既係：法庭又DQ多2名泛民立會議員，至今合計8票。由此看，明年九月既立會選舉，怕係報名階段就篩嗮呢一派，不待當選先離追究，嘥心機捱眼訓。篩嗮後，建制話事，立會寧靜有效得多。
寫至此，記起日本德川幕府後期禁教。要一衆疑似教徒當衆踐踏擺在地下既耶穌像、十字架，邊踩邊吐口水。肯做就無恙，否則當衆虐死。有不少日人殉道。
我地今後會唔會要報名參選者在鏡頭前否定本土、獨，像內地嫌疑人錄影悔過？
2019年12月16日 星期一
191216一晚21°C 77%："Santa Claus is coming to town"
You better watch outYou better not cry
Better not pout
I'm telling you why
Santa Claus is coming to town
He's making a list
He's checking it twice;
He's gonna find out who's naughty or nice
Santa Claus is coming to town
He sees you when you're sleeping
He knows when you're awake
He knows when you've been bad or good
So be good for goodness sake!
我唔怀疑，国家主席来澳前夕，在港珠澳大桥上被公安带走的一名港人，系内地走私案既通缉犯。
但有人在照理系澳门的地头被「送中」，似乎说港人反修例有理。我们的又一种反共恐惧被兑现。
反过来，港泛民、中华圈的此独彼独、异见流亡人士...，甚至CIA，至今针对中国的危言耸听，几乎无一落空。今后对无论几可笑既恐惧，是否最好信其有，铺定后路？几可笑既后路都好过冇？
日前，有港报刊登据说系深圳入境大堂的照片（圖）。有关员戴深色粗边既5G眼镜，站在柜台前，扫视轮候者。队伍里若有疑人，关员会立即得知，将其带走。
我冇睇内文。想象大概是：5G眼镜将扫视所得的一衆人面实时传到控制室，与数据库既嫌犯容貌核对。一发现有match，关员面前的电脑会圈出此人。
这就是5G传信息快4G n倍的其中一种用途。好自为之！
（此文打字時，不經意用咗簡體。費時再用Word轉繁體，唔啱睇無所謂。）
191216一近午21°C 76%：侵哥呢個聖誕仲會出乜招？
禽日又衰咗，久不博後連續4博，但最後又講漏咗美國侵哥。
聖誕前呢週，彈劾案係衆院過關應無懸念。但參院阿侵黨徒佔多數，應該過唔到，故最終得個講字。美國建國~270年，好似只有一個總統真係俾人彈落台。我懶查，想知就Google啦！
雖然彈佢唔成，但侵哥和黨徒仲有10個半月就要博連任。想保住份工，點都要趁聖誕做的嘢。
侵哥近日連環出拳：飛去萬里外既阿富汗與子弟兵同切感恩火雞，與死對頭伊朗交換俘虜（換番離既係一個華人），派特使去朝鮮半島，走近一再放飛劍、揚言一拍兩散既小金帝。當然，更重要的是：談談打打近兩年後，終於大大話話落實貿戰和約第一章：侵哥以roll back關稅換取我方增購侵哥最想籠絡既農業州份選民produce。雖然離滿意還很遠，但總算各有所得：中方明年有望保六，阿侵和美農終可放心過聖誕。美中港股市借勢大炒，港人半年來難得爆笑。
之所以話侵哥呢個聖誕最唔得閒，因爲要打鐵趁熱，做市、「買」票、安外、打政敵（佢最憎一個女人，你明既）...。此人多怪招，而且隨時反覆，未到個日，你都估唔到佢會做乜。但肯定有嘢玩，睇住離。
阿侵與英國莊生，還有烏克蘭的演員總統...似乎可說明一個新潮流：非常態既新政客，行爲誇張，言論出位，冇的傳統政客既架勢，看似無厘頭、討人嫌，根本唔可能上位做到嘢。但點知跌嗮眼鏡，反而呢種人做到嘢出離。你好唔中意，但吹佢唔漲。反過來有好多人，尤其係非知識精英，好中意佢。相反，自由派、新左派、社運友、學者...遇到呢班政客就仆嗮街。
唯一既例外似乎係台灣深藍既韓國瑜：出位、市井、cheap到痹，但做冇料，純靠對方俾錢撐住。讓呢種人上位係災難。
聖誕前呢週，彈劾案係衆院過關應無懸念。但參院阿侵黨徒佔多數，應該過唔到，故最終得個講字。美國建國~270年，好似只有一個總統真係俾人彈落台。我懶查，想知就Google啦！
雖然彈佢唔成，但侵哥和黨徒仲有10個半月就要博連任。想保住份工，點都要趁聖誕做的嘢。
侵哥近日連環出拳：飛去萬里外既阿富汗與子弟兵同切感恩火雞，與死對頭伊朗交換俘虜（換番離既係一個華人），派特使去朝鮮半島，走近一再放飛劍、揚言一拍兩散既小金帝。當然，更重要的是：談談打打近兩年後，終於大大話話落實貿戰和約第一章：侵哥以roll back關稅換取我方增購侵哥最想籠絡既農業州份選民produce。雖然離滿意還很遠，但總算各有所得：中方明年有望保六，阿侵和美農終可放心過聖誕。美中港股市借勢大炒，港人半年來難得爆笑。
之所以話侵哥呢個聖誕最唔得閒，因爲要打鐵趁熱，做市、「買」票、安外、打政敵（佢最憎一個女人，你明既）...。此人多怪招，而且隨時反覆，未到個日，你都估唔到佢會做乜。但肯定有嘢玩，睇住離。
阿侵與英國莊生，還有烏克蘭的演員總統...似乎可說明一個新潮流：非常態既新政客，行爲誇張，言論出位，冇的傳統政客既架勢，看似無厘頭、討人嫌，根本唔可能上位做到嘢。但點知跌嗮眼鏡，反而呢種人做到嘢出離。你好唔中意，但吹佢唔漲。反過來有好多人，尤其係非知識精英，好中意佢。相反，自由派、新左派、社運友、學者...遇到呢班政客就仆嗮街。
唯一既例外似乎係台灣深藍既韓國瑜：出位、市井、cheap到痹，但做冇料，純靠對方俾錢撐住。讓呢種人上位係災難。
2019年12月15日 星期日
191215日晚20°C 81%：呢個聖誕最開心既人係...
呢個聖誕，最快樂既係英國莊生，最唔得閒既係美國阿侵。
此前看阿莊，嬉皮笑臉、動作誇張。相反媚姐永遠一板一眼，鏗鏘有致。覺得女強人俾個譁衆既「小丑」踢走，係時代既弊病。點知三個月下來，前任deadly serious地傾咗兩三年都唔成既「脫鉤」，俾佢三扒兩撥大致搞掂咗。雖然時限遠超其逼宮前承諾的10.31，但至少爲7,000萬國民解開了議而不決的死結。
說白了，女首相卯盡全力無成，看似冇料既繼任人反而成就。人不可貌相，甚至不能以認真作爲衡量真理的標準。本來既clown，如今不但順眼甚至覺得可愛。
背景所限，我對英國好無知。莫說政治，幾乎東南西北都分唔清。只知Magna Carter、查理一世、Oliver Cromwell幾個歷史轉捩點。但呢次阿莊上任兩三個月就帶領保守黨創下20多年來的選舉大勝，連我呢個毫無關係既人都覺得興奮。鬼叫工黨任由個老左帶住唔知去邊，明知死梗都唔改，抵！
阿莊同Brits今個聖誕總算可放下纏擾了三年的心事，好好happy。
此外，我也唔反對佢地俾香港BNO bona fide英籍。但機會有冇兩成？
唔使估，俾唔俾我都唔會有份。我係50年代中由廣州經澳門偷渡離香港既，當時只有居權，冇國籍。外遊靠綠皮既Certificate of Identity（簡稱CI），中文好似叫身份證明書，亦即告訴外地：我係香港居民。但對外地來說，我係無國籍既。入境時可自填任何國籍，但移民官照例寫”Stateless”，即係你填既國籍係發噏風，我地一概唔承認。萬一在外出事，唔會有國家離過問，無論英國定中國。
我個個年代，大陸出世既人想攞BNO，要先申請入英籍：係Post賣小廣告，話自己申請入英籍，好似仲要有太平紳士endorse，要在指定的時限內冇人反對。當局當然會查家底，至少係良民。但我老豆連粵語都唔係好識，又邊識太平紳士？佢來港後到離世未再出過境。既冇錢旅遊，又唔敢北上，何須旅行證件，要英籍何用？所以根本冇諗。
但如果你係BNO，唔放心，我明既。Good luck.
此前看阿莊，嬉皮笑臉、動作誇張。相反媚姐永遠一板一眼，鏗鏘有致。覺得女強人俾個譁衆既「小丑」踢走，係時代既弊病。點知三個月下來，前任deadly serious地傾咗兩三年都唔成既「脫鉤」，俾佢三扒兩撥大致搞掂咗。雖然時限遠超其逼宮前承諾的10.31，但至少爲7,000萬國民解開了議而不決的死結。
說白了，女首相卯盡全力無成，看似冇料既繼任人反而成就。人不可貌相，甚至不能以認真作爲衡量真理的標準。本來既clown，如今不但順眼甚至覺得可愛。
背景所限，我對英國好無知。莫說政治，幾乎東南西北都分唔清。只知Magna Carter、查理一世、Oliver Cromwell幾個歷史轉捩點。但呢次阿莊上任兩三個月就帶領保守黨創下20多年來的選舉大勝，連我呢個毫無關係既人都覺得興奮。鬼叫工黨任由個老左帶住唔知去邊，明知死梗都唔改，抵！
阿莊同Brits今個聖誕總算可放下纏擾了三年的心事，好好happy。
此外，我也唔反對佢地俾香港BNO bona fide英籍。但機會有冇兩成？
唔使估，俾唔俾我都唔會有份。我係50年代中由廣州經澳門偷渡離香港既，當時只有居權，冇國籍。外遊靠綠皮既Certificate of Identity（簡稱CI），中文好似叫身份證明書，亦即告訴外地：我係香港居民。但對外地來說，我係無國籍既。入境時可自填任何國籍，但移民官照例寫”Stateless”，即係你填既國籍係發噏風，我地一概唔承認。萬一在外出事，唔會有國家離過問，無論英國定中國。
我個個年代，大陸出世既人想攞BNO，要先申請入英籍：係Post賣小廣告，話自己申請入英籍，好似仲要有太平紳士endorse，要在指定的時限內冇人反對。當局當然會查家底，至少係良民。但我老豆連粵語都唔係好識，又邊識太平紳士？佢來港後到離世未再出過境。既冇錢旅遊，又唔敢北上，何須旅行證件，要英籍何用？所以根本冇諗。
但如果你係BNO，唔放心，我明既。Good luck.
191215日晚20°C 80%：聖誕近了，你們都當悔改
今午本来想講聖誕，點知扯咗去財經。
看今午的幾大商場show，或者就係連登呼籲既聖誕/平安夜預演。希望當晚除此以外，將街頭讓俾報佳音既詩班。唔係俾面耶穌，而係俾750萬人一點寧靜，去教堂或閉門思過。
即便開party，也希望在歡笑中記得，今年係香港開埠以來最奇特的一年。呢個聖誕在歷史上的重要性僅次於1941年香港在聖誕當日俾日軍攻陷。
係商場嗌口號、唱〈榮光〉、巡遊或有礙遊人的情趣，但不妨礙購物，可以理解。但出於異見而毀鋪趕客，與1939年德國納粹砸猶太人店鋪的「碎玻璃之夜」何異？若此，借用Chinazi的邏輯，香港豈有Wonazi？
正所謂風水佬呃你十年八年，我唔信黃營封殺到藍市。
看今午的幾大商場show，或者就係連登呼籲既聖誕/平安夜預演。希望當晚除此以外，將街頭讓俾報佳音既詩班。唔係俾面耶穌，而係俾750萬人一點寧靜，去教堂或閉門思過。
即便開party，也希望在歡笑中記得，今年係香港開埠以來最奇特的一年。呢個聖誕在歷史上的重要性僅次於1941年香港在聖誕當日俾日軍攻陷。
係商場嗌口號、唱〈榮光〉、巡遊或有礙遊人的情趣，但不妨礙購物，可以理解。但出於異見而毀鋪趕客，與1939年德國納粹砸猶太人店鋪的「碎玻璃之夜」何異？若此，借用Chinazi的邏輯，香港豈有Wonazi？
正所謂風水佬呃你十年八年，我唔信黃營封殺到藍市。
191215日午後20°C 77%：聖誕會反彈？
仲有10天就聖誕。昨路過upscale商場，不再播Christmas carol，但人流顯著比前多。日前連登說：內地客開始回歸。
此前與友人講起也說，只要穩定下來，內地客很快就會回歸。理由很簡單：現在訊息實時通天。香港只要回復寧靜兩週，鄰近的陸、台、韓、日客就春江水暖。趁房價未回升，打開apps，十分鐘就訂妥十日八日後既機票、酒店。機程2-3個鐘，離兩日，只要唔撞正大示威，無須擔心。
至於我相信經濟反彈快，主要係80年代以來對歷次股災的觀察：股災頭兩個月，人人喊苦喊忽。但隨即靜下來，埋頭耕耘。一年多後強烈反彈，兩年後回到好時分。即便僅次於29年美國大蕭條的08年金融海嘯也是如此。
當然，背後不乏政府、央行的干預。但我講既係個人的投資取向。至於長遠對經濟是好是壞，去問學者啦！
因此，我唔驚。當然，以我的年紀和資產，亦唔到我驚。至於青壯的一代，信不信由你。
此前與友人講起也說，只要穩定下來，內地客很快就會回歸。理由很簡單：現在訊息實時通天。香港只要回復寧靜兩週，鄰近的陸、台、韓、日客就春江水暖。趁房價未回升，打開apps，十分鐘就訂妥十日八日後既機票、酒店。機程2-3個鐘，離兩日，只要唔撞正大示威，無須擔心。
至於我相信經濟反彈快，主要係80年代以來對歷次股災的觀察：股災頭兩個月，人人喊苦喊忽。但隨即靜下來，埋頭耕耘。一年多後強烈反彈，兩年後回到好時分。即便僅次於29年美國大蕭條的08年金融海嘯也是如此。
當然，背後不乏政府、央行的干預。但我講既係個人的投資取向。至於長遠對經濟是好是壞，去問學者啦！
因此，我唔驚。當然，以我的年紀和資產，亦唔到我驚。至於青壯的一代，信不信由你。
191215日午20°C 78%：西方救不了阿富汗？
恢復戶外晨運後，繼續邊拉筋邊遊雲。但一坐在電腦前，就變成睇書，疊唔起心水落筆。
近日看Ansary”Games Without Rules, Often-Interrupted History of Afghanistan”的簡體譯本《无规则游戏-阿富汗屡被中断的历史》。阿富汗的問題基本上是所有窮國「現代化」與維護傳統的「兩條路線之爭」。差別在傳統有多深，鬥爭有多強。
阿富汗與一般窮國不同的是：自古不斷被外力入侵，非因看中其資源。而是位於列強必爭的戰略要衝。進入近代後，東南是英國的寶地印度，北邊是大力擴張的沙俄/蘇聯。英國要借阿富汗來阻止蘇俄南下。二戰後美蘇冷戰，美歐更要阿富汗幫忙圍堵蘇聯，最怕其南下動搖親美的巴基斯坦，透過印度獲得出海港。
但阿富汗是「落後」的部族社會，加上伊斯蘭教強力的規範。英美和蘇俄本質上太「西化」，無法駕馭，加上阿富汗地形崎嶇，外力每次進入都敗退而回。
阿富汗進入近代後，受歐美教育的現代派要將國家現代化/世俗化，佔社會主流的農村和山區部落社會抗拒。西化vs守舊角力，反覆地換國王/政府、政變、打游擊。最近十幾年的塔利班武裝就是這場鬥爭的延續。
但部落社會和伊斯蘭是阿富汗千年的現實。即便西方的自由、民主、人權有理，也可能要100年才能完成過渡，要有高度的政治技巧，期間難免陣痛。但西化/世俗化派通常是書呆或激進派，以爲只要頒令，例如撤除女性的罩袍面紗，國家在可見的將來就會發達起來。這與中國清末康梁的百日維新天天下詔，同出一轍。
塔利班固然反動，但西化/現代派simple and naive，也只會給阿富汗帶來災難。
以上的看法當然是皮毛。但阿富汗的痛苦或者對其他中東、中亞國家也有啓示。
此書會繼續看到完，以後再說。
近日看Ansary”Games Without Rules, Often-Interrupted History of Afghanistan”的簡體譯本《无规则游戏-阿富汗屡被中断的历史》。阿富汗的問題基本上是所有窮國「現代化」與維護傳統的「兩條路線之爭」。差別在傳統有多深，鬥爭有多強。
阿富汗與一般窮國不同的是：自古不斷被外力入侵，非因看中其資源。而是位於列強必爭的戰略要衝。進入近代後，東南是英國的寶地印度，北邊是大力擴張的沙俄/蘇聯。英國要借阿富汗來阻止蘇俄南下。二戰後美蘇冷戰，美歐更要阿富汗幫忙圍堵蘇聯，最怕其南下動搖親美的巴基斯坦，透過印度獲得出海港。
但阿富汗是「落後」的部族社會，加上伊斯蘭教強力的規範。英美和蘇俄本質上太「西化」，無法駕馭，加上阿富汗地形崎嶇，外力每次進入都敗退而回。
阿富汗進入近代後，受歐美教育的現代派要將國家現代化/世俗化，佔社會主流的農村和山區部落社會抗拒。西化vs守舊角力，反覆地換國王/政府、政變、打游擊。最近十幾年的塔利班武裝就是這場鬥爭的延續。
但部落社會和伊斯蘭是阿富汗千年的現實。即便西方的自由、民主、人權有理，也可能要100年才能完成過渡，要有高度的政治技巧，期間難免陣痛。但西化/世俗化派通常是書呆或激進派，以爲只要頒令，例如撤除女性的罩袍面紗，國家在可見的將來就會發達起來。這與中國清末康梁的百日維新天天下詔，同出一轍。
塔利班固然反動，但西化/現代派simple and naive，也只會給阿富汗帶來災難。
以上的看法當然是皮毛。但阿富汗的痛苦或者對其他中東、中亞國家也有啓示。
此書會繼續看到完，以後再說。
2019年12月7日 星期六
191207六晚17°C 33%：今後兩日預定大龍鳳
這兩天都有陽光，比預告的暖。明天反修例半年祭的港島遊行看來亦將如是。
唔知係唔係市民買定餸，怕的忍者聽日行完後分區「和警玩」，今午街上幾熱鬧。
後日週一黃絲更預告再次「大三巴」，或可稱「和你仆」。上次塞住幾條通衢大道，逼大小巴停駛，全市接連兩日停擺。且看呢次會否再添新招。
上次三罷，林鄭起初死鬧黃絲「自私」，但冇作出適切的補救，更要學生照常返學。大概以爲返學受阻，師長會怪責黃絲。但任何一個學童出事，冇人擔當得起。咁冇腦，又點會唔「資暴製亂」？
今次若再三罷，相信會即日停課。但到時又苦了警察。面對暴力示威，唔上唔得。但本來就唔夠防暴訓練。如今忍者人多、後生、靈活、識得挑釁，更有百萬市民默默支持。警察長時間頂硬上，已成爛頭卒，愈打愈掹，不時過火，被人記錄在案。做到仆更被人鬧到仆。惡性循環睇唔到盡頭。
今次當局相信會精的，但黃絲可能進化得更多。週一返工返學最好打定輸數！
家中糧草唔夠既話，最好明天上午補足，預防週二交通仍未恢復。
唔知係唔係市民買定餸，怕的忍者聽日行完後分區「和警玩」，今午街上幾熱鬧。
後日週一黃絲更預告再次「大三巴」，或可稱「和你仆」。上次塞住幾條通衢大道，逼大小巴停駛，全市接連兩日停擺。且看呢次會否再添新招。
上次三罷，林鄭起初死鬧黃絲「自私」，但冇作出適切的補救，更要學生照常返學。大概以爲返學受阻，師長會怪責黃絲。但任何一個學童出事，冇人擔當得起。咁冇腦，又點會唔「資暴製亂」？
今次若再三罷，相信會即日停課。但到時又苦了警察。面對暴力示威，唔上唔得。但本來就唔夠防暴訓練。如今忍者人多、後生、靈活、識得挑釁，更有百萬市民默默支持。警察長時間頂硬上，已成爛頭卒，愈打愈掹，不時過火，被人記錄在案。做到仆更被人鬧到仆。惡性循環睇唔到盡頭。
今次當局相信會精的，但黃絲可能進化得更多。週一返工返學最好打定輸數！
家中糧草唔夠既話，最好明天上午補足，預防週二交通仍未恢復。
2019年12月6日 星期五
191206五五晚17°C 35%：統戰新形勢？
下晝「返工」，晚飯後陪家人睇李安新片。但不想脫博，唯整理今晨記下的。今天我的頭條是：
支聯會有副主席闊別北京27年後，上月底得以重遊，見到六四遺族。
但以我看，六四既非解禁，更非平反，而只是中共對港的主、次矛盾改變。本土/獨派冒起，暴力抗爭將近半年後，上升爲主要矛盾。支聯會退居次要，甚至是「團結」以對付本土/獨派的對象。
對中共來說，支聯會就像當年台灣的蔣介石，再反共也至少堅持民族立場，反對分裂，相對今天港、台的本土/獨派，是lesser of two evils。如果今天蔣介石還在，中共絕對會挺蔣反蔡。或者說，香港今天若華叔還在，怕有人會來示好，希望藉他的威望，頂住本土/獨派的氣焰。
下一個問題是：Who's next or what next？在內地可低調悼念六四？流亡者可回國探親訪友？...
毛澤東塑造的中共，政治上一向實用得可以。弱勢時與次要矛盾合作，解決主要矛盾。但一旦除去主要矛盾，次要矛盾就變成主要矛盾，進入新一輪的生死鬥。毛當年先與蔣合作抗日，日本投降後就反過來把蔣趕出大陸，是最好的證明。
這並非要支聯會反統走獨，而只是說，要記住歷史教訓。每個階段有本身的意義，不一定以人的意志爲轉移。
但中共若堅拒予港人民主，單靠統戰、讓利，支聯會是不會buy的，否則無以向過去30年出席六四晚會的支持者交代。
支聯會有副主席闊別北京27年後，上月底得以重遊，見到六四遺族。
但以我看，六四既非解禁，更非平反，而只是中共對港的主、次矛盾改變。本土/獨派冒起，暴力抗爭將近半年後，上升爲主要矛盾。支聯會退居次要，甚至是「團結」以對付本土/獨派的對象。
對中共來說，支聯會就像當年台灣的蔣介石，再反共也至少堅持民族立場，反對分裂，相對今天港、台的本土/獨派，是lesser of two evils。如果今天蔣介石還在，中共絕對會挺蔣反蔡。或者說，香港今天若華叔還在，怕有人會來示好，希望藉他的威望，頂住本土/獨派的氣焰。
下一個問題是：Who's next or what next？在內地可低調悼念六四？流亡者可回國探親訪友？...
毛澤東塑造的中共，政治上一向實用得可以。弱勢時與次要矛盾合作，解決主要矛盾。但一旦除去主要矛盾，次要矛盾就變成主要矛盾，進入新一輪的生死鬥。毛當年先與蔣合作抗日，日本投降後就反過來把蔣趕出大陸，是最好的證明。
這並非要支聯會反統走獨，而只是說，要記住歷史教訓。每個階段有本身的意義，不一定以人的意志爲轉移。
但中共若堅拒予港人民主，單靠統戰、讓利，支聯會是不會buy的，否則無以向過去30年出席六四晚會的支持者交代。
2019年12月5日 星期四
191205四晚15°C 43%：願上天眷顧
一如預報，低溫微雨夾點風，戶外呼凍。但唔出街冇事，聽日返工最多出羽絨。週六日預料也差不多。
連登力谷週日獲警方不反對的港島遊行，到時怕又會過百萬。關鍵是aftermath。見當局不回應五大訴求，黑衫怕會發狠。只怕由銅鑼灣到上環，天愈凍，人愈熱。而且爲了下週一再度三罷，有可能再次大「裝修」，尤其是港鐵唯一的三線交匯點金鐘。
今天的社會頭條本來係凍，點知撞着幾年一度既本土「地震」。據說多達10位市民有感。但講俾日人聽，怕笑到趴。級數係「1.4」，日本可能每日都有幾十單。
今天既政治頭條當屬前行會成員話：政治問題當政治解決，目前的制度有責。換言之，靠民生紓困無法紓緩市民的政治狂怒。這比他說，當局的獨委會應有調查傳召權，更接近問題的根本。
幾乎同一時間，當年的同房海外來郵：40多年前在芝大同住一dorm的一個香港仔在加州過身。失聯40多年後，唯一得悉的近況是永別，是爲人生。
到此年紀，今後十年八年，會逐漸成爲友人彼此間聯絡的常態。早期看戲看小說，就說老人看報，不是先看頭版大事，或底版的金股、波經，而是底版內頁的obituary，看是否有誰先走一步。
這位早走的芝大同窗，在港讀大學時讀得打得，係羽毛球校隊，高大瀟灑。當時芝大的台港學生（大陸還未開放，冇人留學）每逢週六晚借大學的gym打波匯聚。經常見呢位港仔離打波。但70年代初既美國人，連badminton係乜都唔多知。好在芝大有個功力相若的新加坡生Koh（許），兩人得以切磋。否則全校冇對手，甚至冇人識欣賞，都幾冇癮。
訃聞是另一位居美的同窗偶然看校友刊物時發現的。在網絡時代，即日在同窗間通了天，但距離他離世已大半年。只能遙寄哀思。
願上天眷顧。
連登力谷週日獲警方不反對的港島遊行，到時怕又會過百萬。關鍵是aftermath。見當局不回應五大訴求，黑衫怕會發狠。只怕由銅鑼灣到上環，天愈凍，人愈熱。而且爲了下週一再度三罷，有可能再次大「裝修」，尤其是港鐵唯一的三線交匯點金鐘。
今天的社會頭條本來係凍，點知撞着幾年一度既本土「地震」。據說多達10位市民有感。但講俾日人聽，怕笑到趴。級數係「1.4」，日本可能每日都有幾十單。
今天既政治頭條當屬前行會成員話：政治問題當政治解決，目前的制度有責。換言之，靠民生紓困無法紓緩市民的政治狂怒。這比他說，當局的獨委會應有調查傳召權，更接近問題的根本。
幾乎同一時間，當年的同房海外來郵：40多年前在芝大同住一dorm的一個香港仔在加州過身。失聯40多年後，唯一得悉的近況是永別，是爲人生。
到此年紀，今後十年八年，會逐漸成爲友人彼此間聯絡的常態。早期看戲看小說，就說老人看報，不是先看頭版大事，或底版的金股、波經，而是底版內頁的obituary，看是否有誰先走一步。
這位早走的芝大同窗，在港讀大學時讀得打得，係羽毛球校隊，高大瀟灑。當時芝大的台港學生（大陸還未開放，冇人留學）每逢週六晚借大學的gym打波匯聚。經常見呢位港仔離打波。但70年代初既美國人，連badminton係乜都唔多知。好在芝大有個功力相若的新加坡生Koh（許），兩人得以切磋。否則全校冇對手，甚至冇人識欣賞，都幾冇癮。
訃聞是另一位居美的同窗偶然看校友刊物時發現的。在網絡時代，即日在同窗間通了天，但距離他離世已大半年。只能遙寄哀思。
願上天眷顧。
2019年12月4日 星期三
191204三深夜19°C 36%：天氣冷，政經更冷
今天真冷了。但今午更大幅調低此前的預測：明天日間比今天再降6℃到14℃，而且係夾風雨的「濕凍」，半夜會跌到12℃。不止此，預料連續4日都如此。週日遊行後的餘興會否因爲天凍而更「熱」？
但不料，政經更冷。美國爲香港立法後，再借新疆教育營來「教育」中國。更厲害的是：一直唱好對華貿談的特朗普突改口說：等明年底大選後再協議或者更好，而且中國休想協議對等。意指協議必須對美傾斜，否則休想我簽字。
看來因中方堅持要美方撤回關稅加幅，加上針對美國通過《香港法》，不得不擺出強硬姿態，談判終告吹。若此，今後一年，關稅會升不會降，中國的成長肯定破6%，香港15年來首見紅的財政明年會更紅。
今天原來是中國第二次的年度憲法日。去年我完全沒注意。但今天understandably, TVB新聞台從下午起，每半小時都上頭。中國講法治怕有20年，但似乎始終冇人信，否則香港就唔會搞成咁。
今天MP兩條源自內地的報道頗有意思：〈2040年海軍噸位超美〉、〈習時代將持續38年？〉言下之意，中國20年可以打贏美國；主席的時代更會超越2047，到時香港慶祝一國一制，大大話話會親臨主持。
但不料，政經更冷。美國爲香港立法後，再借新疆教育營來「教育」中國。更厲害的是：一直唱好對華貿談的特朗普突改口說：等明年底大選後再協議或者更好，而且中國休想協議對等。意指協議必須對美傾斜，否則休想我簽字。
看來因中方堅持要美方撤回關稅加幅，加上針對美國通過《香港法》，不得不擺出強硬姿態，談判終告吹。若此，今後一年，關稅會升不會降，中國的成長肯定破6%，香港15年來首見紅的財政明年會更紅。
今天原來是中國第二次的年度憲法日。去年我完全沒注意。但今天understandably, TVB新聞台從下午起，每半小時都上頭。中國講法治怕有20年，但似乎始終冇人信，否則香港就唔會搞成咁。
今天MP兩條源自內地的報道頗有意思：〈2040年海軍噸位超美〉、〈習時代將持續38年？〉言下之意，中國20年可以打贏美國；主席的時代更會超越2047，到時香港慶祝一國一制，大大話話會親臨主持。
2019年12月3日 星期二
191203二晚17°C 43%: How Orwellian!
真的冷了。早上九點在陽光下晨運很舒服。但下午兩點出外散步，陰風陣陣，陽光不到處，長袖fleece對我也僅夠。
預報週末會跌到12度。雖然一日最低溫通常係凌晨，但日間肯定顯著凍過今日。
昨午去剪髮。幫襯慣既樓上老鋪改裝咗，只有兩個師傅，而且都有客。但夠鐘去gym，即刻過隔離既10分鐘地鋪。咁啱撞着4-5個月前，我仍然戴住龜殼時幫我剪既後生。問點剪。話到此年紀，唔使返工、開party，頭髮也不多，大大方方得啦。
手法一流：感覺上一手用梳由上往下撥，另一手用較剪向上「偷」，手法順，感覺好，剪完睇上去爽夾精神。好想今後都請他幫忙。但呢種setup唔係髮型屋，原則上邊個師傅得閒就邊個上。
近月不再每朝睇勻大小媒體。一早開電腦，更多係睇歷史。睇書暫歇時才翻一翻新聞。
今天在僅有翻到的新聞裏，最Like MP的〈辦網媒印傭被遣返 稱入境處逼寫「滿意安排」〉。在目前的政治氣氛下，罕見地有Orwellian feel。
內文也的確有Orwellian感。除非事主作大，否則難怪有這許多港人反骨。
逾期的MP好像要收費閱覽。以下撮要供網友判斷：
印傭Yuli Riswati居港工作10年，與友人在Fb及「Migran Pos」網上平台報道本港的反修例，被入境處以工作簽證過期為由拘留28天，昨按《遣返離境令》遣返回國。
Yuli友人及本港工黨成員組成的支援組昨發放其離港前的公開信，稱被羈押於青山灣入境中心，昨晨約10時被押送離港。離開中心前，入境處人員聲稱未能致電其律師，要求她寫明表示「滿意安排」、「喜歡入境處做法」，遭她拒絕。處方說「不寫的話就不能返印尼」，令她「被迫」寫知道自己要返回印尼的說明。
入境處一如其他官方機構，表示不評論個別個案。
港方要事主對於被遣反表示「滿意」、「喜歡」，更勝內地貪腐、維權、國安等政治重犯在鏡頭前認罪悔過。我地咁好學，大可提早請求落實一國一制，何須等到2047？
預報週末會跌到12度。雖然一日最低溫通常係凌晨，但日間肯定顯著凍過今日。
昨午去剪髮。幫襯慣既樓上老鋪改裝咗，只有兩個師傅，而且都有客。但夠鐘去gym，即刻過隔離既10分鐘地鋪。咁啱撞着4-5個月前，我仍然戴住龜殼時幫我剪既後生。問點剪。話到此年紀，唔使返工、開party，頭髮也不多，大大方方得啦。
手法一流：感覺上一手用梳由上往下撥，另一手用較剪向上「偷」，手法順，感覺好，剪完睇上去爽夾精神。好想今後都請他幫忙。但呢種setup唔係髮型屋，原則上邊個師傅得閒就邊個上。
近月不再每朝睇勻大小媒體。一早開電腦，更多係睇歷史。睇書暫歇時才翻一翻新聞。
今天在僅有翻到的新聞裏，最Like MP的〈辦網媒印傭被遣返 稱入境處逼寫「滿意安排」〉。在目前的政治氣氛下，罕見地有Orwellian feel。
內文也的確有Orwellian感。除非事主作大，否則難怪有這許多港人反骨。
逾期的MP好像要收費閱覽。以下撮要供網友判斷：
印傭Yuli Riswati居港工作10年，與友人在Fb及「Migran Pos」網上平台報道本港的反修例，被入境處以工作簽證過期為由拘留28天，昨按《遣返離境令》遣返回國。
Yuli友人及本港工黨成員組成的支援組昨發放其離港前的公開信，稱被羈押於青山灣入境中心，昨晨約10時被押送離港。離開中心前，入境處人員聲稱未能致電其律師，要求她寫明表示「滿意安排」、「喜歡入境處做法」，遭她拒絕。處方說「不寫的話就不能返印尼」，令她「被迫」寫知道自己要返回印尼的說明。
入境處一如其他官方機構，表示不評論個別個案。
港方要事主對於被遣反表示「滿意」、「喜歡」，更勝內地貪腐、維權、國安等政治重犯在鏡頭前認罪悔過。我地咁好學，大可提早請求落實一國一制，何須等到2047？
191203二午晴風19°C 44%：”Smoke Gets in Po‘s Eyes”
周日晚睇電視，見打出「煙霧彈」字樣，仲以爲忍者有新招。
但接着的24小時，警方由最初稱數百暴徒掟煙霧餅，到最後改稱有人掟磚同樽。
這使我想起1950年代末來港初期，美國四男一女黑人美聲團The Platters（金喉主音Tony Williams）的經典”Smoke Gets in Your Eyes”。但今天若在港商場「和你唱」，歌詞怕要改成：
They asked me how I knew
Smokey bombs were true
I of course replied,
"Something there on fire cannot be denied
They said, "someday you'll find all those claims are blind"
When your heart's on fire, You must realize smoke gets in your eyes
So I chaffed them. And I loudly yelled they dare to doubt my sight
Yet today my claim has blown away,
I am without my fan
Now angry mobs deride fury I cannot hide
So I frown and say "when a hate flame fades,
Smoke gets in your eyes"
但接着的24小時，警方由最初稱數百暴徒掟煙霧餅，到最後改稱有人掟磚同樽。
這使我想起1950年代末來港初期，美國四男一女黑人美聲團The Platters（金喉主音Tony Williams）的經典”Smoke Gets in Your Eyes”。但今天若在港商場「和你唱」，歌詞怕要改成：
They asked me how I knew
Smokey bombs were true
I of course replied,
"Something there on fire cannot be denied
They said, "someday you'll find all those claims are blind"
When your heart's on fire, You must realize smoke gets in your eyes
So I chaffed them. And I loudly yelled they dare to doubt my sight
Yet today my claim has blown away,
I am without my fan
Now angry mobs deride fury I cannot hide
So I frown and say "when a hate flame fades,
Smoke gets in your eyes"
2019年12月2日 星期一
191202一午初冬feel 20°C 48%：首次有初冬感
今重拾中斷一週的晨運。一如預報氣溫降。加上有風，着風衣做伸展仍覺手赤，有初冬感。但天色仍佳，西邊萬里無雲。
預報本週氣溫會逐日跌，週末會到13。金秋的蓝天白云，至今應持续了三週，记忆中比往年长。但天下无不散的宴席，最终还是要入冬的。
預報今冬低溫天數可能較往年多。上月去複診，順便打了流感和肺炎針。同齡人都”當打”。有病唔止自己辛苦，更怕連累家人。
過去這段金秋，晨運時天朗气清，微风凉爽，由此想起大陸50年代初借内蒙草原風光对共产党感恩戴德的”藍藍的天上白雲飄”。Google歌名原來叫《草原上升起不落的太阳》，”不落的太陽”應指毛澤東/共產黨。但70年後的今天，內蒙到处是露天煤矿。即便旷野，不少地方恐怕也满天灰沙。太阳即使未落，也不一定看得见，令毛主席黯然失色。
十幾年前跟團去過一次內蒙。行程不順利，帶去看的大都是爲賺遊客錢而仿製的民族景點。
將這首共产歌搬到2019的香港，有如老土版的《榮光歸香港》：
「要是有人来问我，这是什么地方，我就骄傲地告诉他，这是我的家乡，这里的人们爱和平，也热爱家乡，歌唱自己的新生活」。接着的最后两句是歌功颂德。
今天对香港来说，最富联想的新闻是：广东茂名文楼镇经村民港式抗争后 当局承诺永远不建火葬場。
但會否秋後算賬，然後變相重來？
預報本週氣溫會逐日跌，週末會到13。金秋的蓝天白云，至今應持续了三週，记忆中比往年长。但天下无不散的宴席，最终还是要入冬的。
預報今冬低溫天數可能較往年多。上月去複診，順便打了流感和肺炎針。同齡人都”當打”。有病唔止自己辛苦，更怕連累家人。
過去這段金秋，晨運時天朗气清，微风凉爽，由此想起大陸50年代初借内蒙草原風光对共产党感恩戴德的”藍藍的天上白雲飄”。Google歌名原來叫《草原上升起不落的太阳》，”不落的太陽”應指毛澤東/共產黨。但70年後的今天，內蒙到处是露天煤矿。即便旷野，不少地方恐怕也满天灰沙。太阳即使未落，也不一定看得见，令毛主席黯然失色。
十幾年前跟團去過一次內蒙。行程不順利，帶去看的大都是爲賺遊客錢而仿製的民族景點。
將這首共产歌搬到2019的香港，有如老土版的《榮光歸香港》：
「要是有人来问我，这是什么地方，我就骄傲地告诉他，这是我的家乡，这里的人们爱和平，也热爱家乡，歌唱自己的新生活」。接着的最后两句是歌功颂德。
今天对香港来说，最富联想的新闻是：广东茂名文楼镇经村民港式抗争后 当局承诺永远不建火葬場。
但會否秋後算賬，然後變相重來？
2019年12月1日 星期日
191201日晚21°C 65%：蹇年尾月，請給我一個機會
非溫馨提示：連登剛才有人話，聽日週一晨6點「幫黨鐵區區開花」！
我老矣，冇公番。但返學返工人不得不防。
12月了，還有3個星期就聖誕。日前路過商場，已一派節日氣氛。闊別雪將近30年了，對”White Christmas”倍加緬懷。年事已高，是否應專程去美國東岸過一次白色聖誕？
友人問起，我說聖誕肯定不會打。他們感恩美國，點會去砸美國人的第一大節？而且，教徒多追求公義平等，反建制遠多於親建制。中共忌天主/基督教，就因爲教徒服膺天先於黨。中共要教徒反過來，這和他們與反建制港人的矛盾是同樣的性質。
這使人想起，公元1世紀基督教初興，先在羅馬帝國傳播。羅馬帝國本來很世俗，懶理宗教，只不過把自己的皇帝當神來尊崇。基督教恰巧最嚴的戒律就是不准拜其他的神。當時很多教徒寧可被扔進鬥獸場餵獅虎殉道。
接着的兩千年，偶有教徒因爲信仰而殉道。距離我們最近的大概是16/17（？）世紀的日本。德川幕府突然禁教，驅逐歐洲教士，要日本教徒公開否定信仰。當時最可怖的畫像是信徒集體被掛在竹竿上或大半身浸在水裏，直到離世，大概學處死耶穌。
今天不會這樣野蠻。但在一些地區，教先於政仍被視爲對政權的威脅，要想盡辦法來限制。但宗教信仰是思想問題，勉強冇幸福。古今中外，從來沒有政權能徹底禁絕真誠的信仰。相信今後也不例外。
一直想每天上博。但幾年來，除了在醫院被臥牀那個多月，每個月總有幾天脫博，因爲天性不夠專心。2019年只剩一個月了，再試試自己。
今天：
不意外：遊行有衝突。但勇武大收斂仍屬意外。
意外：李慧詩主場，繼昨爭先賽執金後，今晚飯時分，在6人的凱琳賽裏得第五。莫氣餒！
我係兩個香港運動員的粉絲：李慧詩、Siobhan Bernadette Haughey（何詩蓓，愛爾蘭裔港女），鍾意佢地陽光、真摯、鬥志多過獎牌。
RIP：黎小田。最近東亞藝人多悲聞：受桃色新聞困擾的韓女自殺；台灣猛男在對岸開工猝死；粵曲王子鄭錦昌在家鄉大馬病逝。我出於個人經驗，今年不是好年。希望明年會更好。
有趣：我喜歡看體育新聞，誰也不捧，而是藉比賽看人生。年前看（應該是）曼聯就懷疑：英超前四/六突然接連輸到貼地，其實是球星放pear，逼會方炒領隊。證據：換領隊前輸到仆，換領隊後連場贏。
曼聯是否摩連奴換成曼聯名宿蘇B？最近呢個月熱刺、阿仙奴好似都係玩呢個遊戲。連輸的熱刺改由摩連奴領隊後，連贏三場。且看阿仙奴今後兩週。球星能逼走自己的司令官，因爲他們比領隊值錢。球迷捧既係球星唔係領隊，最後話事既係票房、收視，唔係領隊。美斯的領隊肯定怕美斯多過自己老婆。
但球星若特登輸來逼走領隊，豈非打假波？
我老矣，冇公番。但返學返工人不得不防。
12月了，還有3個星期就聖誕。日前路過商場，已一派節日氣氛。闊別雪將近30年了，對”White Christmas”倍加緬懷。年事已高，是否應專程去美國東岸過一次白色聖誕？
友人問起，我說聖誕肯定不會打。他們感恩美國，點會去砸美國人的第一大節？而且，教徒多追求公義平等，反建制遠多於親建制。中共忌天主/基督教，就因爲教徒服膺天先於黨。中共要教徒反過來，這和他們與反建制港人的矛盾是同樣的性質。
這使人想起，公元1世紀基督教初興，先在羅馬帝國傳播。羅馬帝國本來很世俗，懶理宗教，只不過把自己的皇帝當神來尊崇。基督教恰巧最嚴的戒律就是不准拜其他的神。當時很多教徒寧可被扔進鬥獸場餵獅虎殉道。
接着的兩千年，偶有教徒因爲信仰而殉道。距離我們最近的大概是16/17（？）世紀的日本。德川幕府突然禁教，驅逐歐洲教士，要日本教徒公開否定信仰。當時最可怖的畫像是信徒集體被掛在竹竿上或大半身浸在水裏，直到離世，大概學處死耶穌。
今天不會這樣野蠻。但在一些地區，教先於政仍被視爲對政權的威脅，要想盡辦法來限制。但宗教信仰是思想問題，勉強冇幸福。古今中外，從來沒有政權能徹底禁絕真誠的信仰。相信今後也不例外。
一直想每天上博。但幾年來，除了在醫院被臥牀那個多月，每個月總有幾天脫博，因爲天性不夠專心。2019年只剩一個月了，再試試自己。
今天：
不意外：遊行有衝突。但勇武大收斂仍屬意外。
意外：李慧詩主場，繼昨爭先賽執金後，今晚飯時分，在6人的凱琳賽裏得第五。莫氣餒！
我係兩個香港運動員的粉絲：李慧詩、Siobhan Bernadette Haughey（何詩蓓，愛爾蘭裔港女），鍾意佢地陽光、真摯、鬥志多過獎牌。
RIP：黎小田。最近東亞藝人多悲聞：受桃色新聞困擾的韓女自殺；台灣猛男在對岸開工猝死；粵曲王子鄭錦昌在家鄉大馬病逝。我出於個人經驗，今年不是好年。希望明年會更好。
有趣：我喜歡看體育新聞，誰也不捧，而是藉比賽看人生。年前看（應該是）曼聯就懷疑：英超前四/六突然接連輸到貼地，其實是球星放pear，逼會方炒領隊。證據：換領隊前輸到仆，換領隊後連場贏。
曼聯是否摩連奴換成曼聯名宿蘇B？最近呢個月熱刺、阿仙奴好似都係玩呢個遊戲。連輸的熱刺改由摩連奴領隊後，連贏三場。且看阿仙奴今後兩週。球星能逼走自己的司令官，因爲他們比領隊值錢。球迷捧既係球星唔係領隊，最後話事既係票房、收視，唔係領隊。美斯的領隊肯定怕美斯多過自己老婆。
但球星若特登輸來逼走領隊，豈非打假波？
訂閱：
文章 (Atom)