221230五晨陰13°C 69%：歡迎港版大坂直美

港女彭琛怡（圖摘自ST）

    加納x香港既彭琛怡（圖摘自ST）為鄭裕彤中學贏得學界女排冠軍。港生港「大」，講本地話。小一開始打排球，係上網殺波既搥手（內地叫榔頭，即係昔日既朗平），今中五。而家打緊甲一隊CYT。
    睇落係唔係好似美（父海地裔Leonard Francois）x日既網球女將大坂直美（注意：日人用作姓氏既係「大坂」，漢字寫法唔同城市既「大阪」)呢？
    連取名方法都似：「彭」相信係母姓。可惜ST冇講佢阿爸姓乜。
    不過，作為港人，彭琛怡應該冇美國阿姐咁多心理問題。
    祝佢順利，他日有機會為港出賽。

    *好快就輪到中國：日人唔過聖誕也唔過農曆年，以元旦為年度大節。睇日劇，前後至少放七日。係城市打工既幾千萬「漂」回鄉探親，飛機、新幹線、長途巴逼爆。中國既黃金周、春運，話唔定就係學番離既。
    昨晚電視新聞話：日本一如中國，防疫近三年後鬆綁，首次得過行動不受限既新年。呢幾日既「冬運」如同放監，甚至要「企」新幹線返鄉下。好在日本細，東京-大阪不過3個鐘。換咗中國高鐵，由廣州到北京7-8個鐘企到跛。
    中國仲有10日就開關，人口10倍於日本，行為冇咁規範，到時肯定更噓冚！