221204日晚："I must be brutally honest with you..."

    有港媒話：〈露腰女掏出金牛 用普通話請的士「幫我找鴨店可以嗎？」司機死都話唔識係邊〉。今日咁既服務態度係唔得既，何況經濟被疫情重創將近3年。
    但諗深層，司機話唔定醒目，怕對方放蛇，呢張金牛啃唔落。
    文學多大話：榮膺最長壽陸上動物的一隻南大西洋巨龜，原來只有190歲。或者以前睇書既印象，我幾十年來，一直以為龜有幾百年命。

221204ST

    而家百歲耆老全球怕就有幾十萬，有人話人類好快就可以活到120歲。我哋識得節制飲食、做運動、改進醫學。但龜只識進化，生理上1000年既進步，怕唔及我哋10年。咁攪法，容乜易本世紀末，我哋長命過龜？當然，我就睇唔到啦！今日出生個代happy啦！
    "I must be brutally honest with you..."(此語源出於芬蘭女總理)：港區人大常委話，就黎智英請英國御狀出庭既case，人大怕趕唔切在月底前釋法。若到時冇本地大狀接受黎禮聘，又或者黎無意委託本地大狀，咁案件話唔定要送上內地審理。
    我唔識法律，更怕法律，但按常理覺得好𢯎頭：
1.內地按大陸法離審原本在港按普通法審既案？
2.內地怕更冇律師肯為黎辯護國安案。而黎真係願意請既律師，怕多數係好「維權」嗰的。但呢類人多數本身亦有官司在身，不一定能接case。內地派公家律師俾黎，黎怕又唔接受。誰能有效地為被告辯護，以堵西方之口，呢個難題怕都幾難解。
3.如果在內地審，當然按內地而非香港的準則裁決，量刑標準亦然。以黎看來，當然係送大禮。西方不用說會大做文章。
    不過，常委係咁講即，案件北移遠未定案。後續的發展很可能仲有正反合。
    但可以肯定，黎案將會為今後的國安大案立下先例。常委這樣說一說是好的，警醒的膽大心粗既人，出手前再三諗過：你地最驚既「送中」，而家實現啦！仲玩唔玩呀？