晚飯後update：
下午再出發行大運。這次在尖沙咀碼頭沿海旁東行，穿越尖東進入尖沙咀鬧市，最後經香港的5th Avenue廣東道回到起點天星碼頭。
早知前两日就行呢個運，話唔定冬至夾份買六合彩，可帶脅熟人中番幾千萬。
4點幾，「隔離搵老豆」呢幾條街已好旺。4點幾5點路經廣東道的名店段，已好有氣氛。而家的後生不論男女，都興頭戴鹿角等裝飾。
5點過後來到海港城。門外火樹銀花的人口密度~3 sq.ft/人。我又唔係陪細路，無謂同人逼。早一些的話，會進入海港城逛一圈。
黃昏後的中環當然也好熱鬧。但怕蘭桂坊封路，費事兜路，係附近買個平安夜晚餐就回歸。
Good walk。見大家都enjoy，好事。希望自己明年仲行得，到時再重溫。
特首上京帶回2大指示：通關與釋法。
但1月中之前通關冇新意。早就話咗：唔係1.3就係1.9。當然，有人會按例用西式思維，話the devil is in the details.但內地自12.7新十條起，早就咬碎銀牙和血吞。講到底，形勢比人強，唔放唔得。
若此，對港開關肯定亦如是。到時會好多人湧落離避疫，確診如潮湧。年初五過後，話唔定>>5萬/日，市面冇退燒藥（今日過尖沙咀既大型藥妝鋪，又見普通話女推著成車退燒藥），公院逼爆，好多人嗷嗷聲。但係正如我初來港時的一句口頭禪：鬼叫你窮呀，頂硬上啦！（而家咁講肯定俾人告去平機會。）
但就國安法案可否由英聯邦律師出庭，特首話中央很快會就釋法作出決定。這是新的發展。此前不太清楚，中央是否認爲，港法院可自行解決。港唯一的人大常委聽聞特首記招後認為：人大有可能爲此加開議程。看來，中央認爲人大有必要釋法。不用說，不少人會覺得，港法治又死多幾成。但我睇唔出按英式法治，如何達成中國國安法想要既結果。
晚了，靜下來過平安夜，就此打住。
最後，想起個別過去一年失聯的朋友。友人照理都有電郵，搬去天涯海角都唔會失聯（除非在內地不能上Gmail）。但有個別未見回郵。由於電郵不像WhatsApp，發信人不知是否已讀取，我有點擔心。收到電郵而長時間不回，除非郵箱已不再開啟。
希望只是我多心。祝未回郵的朋友安好。
沒有留言:
張貼留言