190908日午後31°C 76%：好彩

   上週日午後外出。回家時成街黑墨墨，冇巴士，要兜個大kwak行番屋企。
   今日精咗。去時避開遊行路線；回程落港鐵，兜過地面既「運動場」，然後快步轉車。超好彩：竟然有巴士剛撻火。錯過的話，等15分鐘小事，最怕期間內開始封路，又要好似上週小長征。
   行去轉車時，或因附近地面有聚集，菲裔地攤上嗮行人天橋。幾十米路逼咗成分鍾，噓撼過花市。
   回家的巴士路過，見中銀對開既車路企滿黑衫，夾有不少美國旗。通往美領館既車路相信亦然。時爲美國東岸半夜，否則特朗普會指住直播話，這是America great的明證。
   回家唔夠一粒鐘，剛才途經既港鐵站已封門。
   今午出離行既後生可能係比較活躍既，事後唔少得餘興，由西環到銅鑼灣都有可能。
  
   回家途中，路經灣仔修頓，傳來外語廣播。籃球場內，剛有兩隊褐膚色女仔準備開波，裁判看似同族。初看以爲南亞，再看場邊啦啦隊，應屬菲傭。菲人愛歌舞，週日街頭見慣。體育比賽還是首次。
   開波時jump波的兩女，高的一個應過六呎。跳高一手撥給左邊的隊友，兩下手勢已上籃得分，開波怕唔夠三秒。如果唔係要打工，本地人怕唔係手腳。
   我鍾意睇城市風景。每個人都有一個故事。所謂君從哪裏來，哪裏去，做什麼？有意思過睇天然風景。
   暫且寫到這裏。希望今晚的餘興劫後，明週一還能出街辦事。