210930四晚31°C 76%：美斯「瞓身」以明志？

一則很有趣的足球新聞：

美斯轉會法甲班霸PSG後，落場多次終於破蛋。更
在對手獲得罰球時，主動「瞓身」係己方的人墻後，面朝己方龍門，為龍門擋地波。

直覺上有點搞笑。罰球破網通常靠射內彎(西)高波，僅僅越過人墻最左/最右球員既頭頂，再內彎飛向龍門左/右上角。只要教準、略有速度，對方龍門通常撲盡都擋唔住。

但射得咁準，球王怕也只有3成機會，射3次入1次。

反過來，人墻的下盤好少有窿大到足球穿得過。地波入網，通常亦係靠內彎，繞過人墻的左/右角。你瞓係地下，對方射波實會避開。

但美斯瞓地又可以理解。他成長時有缺陷，身高怕只有1.7m，矮一般歐甲球員怕有10cm，故無法幫隊友排人牆，怕俾對手射過頭直接入網。因此，想表示落力防守，只能瞓地。縱無實效，亦可明志。誰說球王唔使識政治？