210915三中午艷陽31°C 66%：C朗好嘢！

太多嘢想講：

1.由支聯、助囚社工到記協、罷工醫護…，清場估得冇錯。若自問近年好惱，與新時代唔夾，怕要有心理準備。

雖然我估唔會去到盡，但任何角力都係牛津第三定律，正vs反互動既。你出δ力，我就出δ+，務求壓倒你。雙方不斷加力，直到有一方乏力倒下。而家呢場官vs民遊戲，最後lui低既應該係民方。冇得心存僥倖既。

但就這一刻來說，處理醫護涉及市民的安危，與處理記協不可同日而語。記者作爲一種職業，理論上可傾國。但電子網絡一日千里，面世40年後，傳統的傳媒早已邊緣化。現再加上政治社會因素，港記能有工開就算好彩。再說疫情已將近2年，香港幾淪爲孤島，記者冇法離港採訪。當局即便唔追究，記協都好難生存。

但750萬人7x24x365都少不了醫護，關乎好多人命。點處理要細心冷靜念個先。

2.王子偶像在公衆地方搏殺到lui低，fans心痛死。20出頭，本來前頭大把世界。出一個騷幾十萬，錢係賺唔嗮既。

但有人博到病又可以理解：而家的潮流瞬息萬變，冇人咁話自己可以紅幾耐。何況越離越多爭議，講錯句、做錯啲就俾人封殺。故此，每日有工開都博到盡，務求儘早賺夠退隱。God bless you.

3.好想講吓足球，雖然我並唔係球迷，上次睇嗮成場，距今怕有一年。

恭喜美斯、C朗步入職業生涯的又一個里程。希望係最後一個啦！美斯喊住離巴塞，C朗就笑住番老巢。美斯係巴黎處女出征未有建樹；C朗就首戰連數2粒，曼聯如虎添翼。但又估唔到，接著出戰歐聯弱旅會輸2:1。原來：1.曼聯有人食紅牌打少個；2.最尾一分鐘後衛送大禮(今朝上博時，唔知點解記錯曼聯輸3:0)。

4.較比數更有趣的是：C朗回歸後，對隊友發表演說。但唔喺講戰術，而係講「政治」：話自己番母會唔喺做啦啦隊，意思大概係中文既「玩票」，港話係客串、過下癮，而係爲母會搏殺。話自己最敬重母會既係博盡贏波既精神，鼓勵隊友一齊努力。

新聞如果唔話明係C朗講既，我仲以爲曼聯請咗個政治顧問，好似政客競選要搵心戰/公關大師，幫球會重振半世紀的光榮。唔怕講，聽來仲以爲C朗學咗傳教或入咗黨，係隊友裏既神父/牧師、黨委書記。

而且，咁講唔係冇理由。新聞話，曼聯入住出戰地點既酒店，全隊晚餐時，由於六舊腹肌既C朗飲食極爲節制，唔食甜品，結果全隊冇人敢郁枱上既甜食。你話C朗幾有權威，直情可以做領導人。

老實講，美斯似乎就冇咁既領導力。