210919日29°C 86%：港新時代首次選舉，澳門零的突破

預測今起連日陰雨，今朝晨運果然地下濕。接著呢周連日有事要辦，出入上落要小心濕滑。

週二中秋。但今年繼續因疫封關，出入境探親難，冇法子祝人團圓。

神舟十二在太空中停留90日後，安全回國，全程順利。中國的太空技術是否升呢？神州十三預告首見女太空人。

港去年7月步入國安新時代後，今舉行「愛國者治港」的首場選舉。

選的是決定特首、立會人選的選委，選民人數4,900。市民或要靠街上戒備的5,000警員方知係大日子。Good day and good luck!

領導人囑特首搞好3場選舉。但laap咗2大報，都冇講係邊3場。係唔係指產生：選委；特首；立會？

一般人係唔係選立會個場要盡市民責任？

恭喜60萬人既澳門係全運會（其實可能係任何區域性運動會）取得獎牌零的突破：郭建恆獲空手道男子個人形（類似拳術的個人表演，唔係對打）銅牌。希望開咗個頭就陸續有來。

香港今次全運似乎唔係好好運。獎牌當然有，但唔順既項目似乎好多。奧運金牌得主張家朗更操練時受傷，要棄賽回港治療。全運對港來說，是否比奧運仲難玩？

英超今季似乎利物浦與曼城的氣勢又再對調。體育呢種風水輪迴幾有趣。

有關塔利班的傳聞繼續不利，阿富汗呢次既政權恐怕都係凶多吉少。呢個國家人人都想救，但似乎冇人幫得上忙。