210925六晚29°C 75%：支聯解散有後著？

今午投票解散既支聯有啲似藝人fans會：成員或只有數百，但fans忠誠，每年開show，臨場過萬。

但港步入新時代後，此會的初衷無疑違憲，解散在所難免。

兩位創會元老爲此公開呼籲，相信是身在獄中，明白其今後不再可為，唔想連累會衆同fans。

但最近呢20年，新生代國族認同有變，要行得更遠，不屑於仍然奉華夏爲正溯的老支聯。

近日支聯的後起之秀反對解散，很反映反對派裏40-代與50+代意識以至實踐上的分野。其實，月前看新進女副主席的表現，就覺察到支聯已非鐵板一塊。

新港青反對解散，不難理解。原則上認爲支聯合法、正義，追究他們是「迫害」，決不能屈服。策略上，拒絕解散，迫當局出手，可赢得同情、西方支持。

但我估當局唔會中計。上策係唔同你拗，低調地依法「處理」，記者問兩句答一句，等傳媒冇得炒。同期內多講大灣區優待港人、警方反黑緝毒有成。總之，你想做蘇格拉底請便，做曼德拉就免問。

40年前既廣告術語：你精我都精，飲杯竹葉青！