210901三晨陰28°C 91%：硬弓離啦！

唔同既時代要睇唔同既媒體才能掌風把舵。

港英年代睇“Post”（唔識英文就該wui）。「反動」年代an apple a day, keep the bastards away.如今新時代，自然也要跟上潮流。

大報云：〈復常谷針要開硬弓〉。On you mark, get set, Go!

因爲，唔打有違國安。唔喺講笑，係有道理架。你死都唔打，甚至特登唔打，如同綁住個隨時可activate既炸彈通街走。

但你開硬弓，我係唔係可以打第三針呀！好唔好引入Moderna，多個選擇？

今日既話題係：〈海外醫生擬包括非永久居民〉。

所謂「擬」，未立法者。而家既立會又點會托手踭？

醫護其實早就知，遲早引入上大人，以溝稀佢哋。

騰籠換鳥的首選本來係內地來港移民去「五眼」讀醫的第二代，正宗港人，兼通粵、英，無奈人少。

故而家要laap埋：1.內地移民喺五眼既第二代，母語英語，但無港身份，更不諳中文、粵語；2.去西方讀醫的內地生。但五眼對外人讀醫有限制。更重要的是，上面以科技爲國策，叻人少讀醫，故人數少；3.五眼既非華人醫生，但不諳中文。公院醫生日睇幾十個症，靠護士在旁翻譯點趕得切？