210920一午陰32°C 73%：一年難得的經驗

我鍾意方便，但怕同人逼。退休後，儘量避開返工、食晏、放工時間。

至今記得幾十年前既一齣荷里活黑白片：曼哈頓深秋的清晨，慈父拖着幾歲的兒子來到5th Ave.、Broadway之類的通衢大道。街上當時還很冷清，父親教仔說：You‘re gonna see a horrible scene: People going to work!

鏡頭一轉：大概踏正8:30，身穿trench coat、手挽或肩背公事包、手袋的紳士淑女從地鐵站湧出來，朝同一個方向急行，人人目無表情，就像魚群掙扎着向上游產卵。

這就是後/反現代的意識。而家既港青，尤其係黃者，好多人會有共鳴。因此，港青與上面的分歧，根源更深過政治。

其實，上面高速發展了30年後，富裕到某個程度，也開始出現反現代的反彈。官方主導的主流追求發展不息，但新一代有人開始厭惡無窮的發展和高速發展的副作用，用躺平（港謂之hea）來追求另類的人生。因此，好似也受到批評。

講番自己，我唔反現代，但既已退休，也就無謂去同趕時間既上班/返學族逼。

但今晨避無可避，被指定時間交貨，於是一年難得一次返工時間幫襯地鐵、小巴。而且，轉車處係可能除咗金鐘、中環、銅鑼灣外，最多人既東九龍市中心。

搬咗入新商場地面既小巴交匯處，好多條線都有幾十人在輪隊，唔少係學生。但秩序井然，好快就有車。希望新時代下，這種秩序不會失去，甚至會更有效。