210913一向午晴間陰31°C 74%：接連3個里程碑

近日真的熱了，我咁唔怕熱既人係屋企都覺。出街要帶多件T，汗濕咗有得換，以防被室內既冷氣感親。

好多嘢想寫，但又想睇書睇劇。

港接連有幾個里程碑：

1.教協收爐早就foretold：報章標題話為求「平安」。我如果係會員，都會咁揀。平安或者唔係最好既選擇，但絕對係9萬會員既最大公約數。《聖經》話齋：Peace be with you.好好繼續生活！

2.最冇念到既係：17歲港男黃澤林伙同法國partner，奪得美網青年組男雙冠軍。青年組相當於球會青訓班，香港早年叫做「預備組」，幾乎係甲組/正印既執波仔。但美斯、碧咸當年都係青訓班出身，希望呢位「黃」毛小子都有咁既時運。

是為港人首次係網球出頭。起初見與法國人拍檔，以為喺西歐成長。西方網球大把叻人，唔係好出奇。睇落先知，阿爸係港小學校長，此子自細係港學網球，真係土產。

仲係個句：萬里之行開咗個好頭，還要沉着努力。

3.港大醫學院既袁國勇與Malik Peiris/裴偉士兩大教授因為2003年沙士期間，發現冠狀病毒SARS-CoV-1（目前病毒SARS-CoV-2既上一代）係沙士既病原、以及由動物到人的傳染鏈，獲「中國版諾貝爾」的未來科學大獎頒發2021年度生命科學類，獎金100萬美元。

港人攞科技獎冇網球杯咁罕見。但以我既偏見，港人限於百年來貿易港造成既性格，懶於搞科研，因爲return低。搞就遠走西方，好少番離。大國手或者屬於醫科，港大又以醫科勝長，故紮根香港。香港有幸。