前海擴大7倍，令香港間接好像多了一個港島+九龍半島。而且，可信前海唔似港島山多地少，比九龍也平坦得多。若此，可供港人發展的面積，其實比港島+九龍半島大得多。
此舉背後的含意是：香港唔好再呻冇地，攞地離做藉口！如果都仲搞唔掂，莫怪我直接介入。因爲，你發展慢，拖累全國。
英國Economist日前先預測：中國今後最猛既城市係：杭州、廣州、深圳。後兩者喺正大灣區，與港血肉相連。香港發展唔夠快的話，唔係被廣州、深圳拋棄，而是被收併。
日前MP大題稱，前海由「粵深領導」，有別於（珠海與澳門合作的）橫琴「粵澳共管」 。言下之意，香港對前海的權限遠不及澳門對橫琴。更值得注意的是，粵以廣州爲省會，「粵深領導」不就是穗+深，以Economist筆下的中國兩大經濟領頭羊爲首。香港只是以穗、深爲首的大灣區既股東/partner，人地係associate。
再想深層，香港在中國城市裏冇政治角色，但廣州係省會。深圳的人口3-4倍於香港，GDP也>香港。客觀上，大灣區以穗、深爲首，港爲穗、深服務，提供金融，作爲門面。
香港融入大灣區、粵深領導…的布局，係和平地改變香港的殖民地傳統、去除其反共基礎、逐步轉化爲全中國城市的妙着。
西方如果想中國「和平演變」成西式民主不成功，中國「和平轉化」香港，使在say 20年後，成爲真正的中國城市，我估有八、九成可能會成事。
當然，如果真喺有此可能，有人趕移民也就可以理解，因爲唔想下一代被同化。但我仲係嗰句：人地早就準備好騰籠換鳥，你去我補，無憂無慮。你放心走啦！
沒有留言:
張貼留言