210911六晚30°C 83%：一切依法，唔會俾你攞彩

新時代下，「結束一黨專政」依法違憲。如今執正離做，支聯會解體「勢在必然」，一眾關係人等要付出法律代價，亦在所難免。

現只看對於這筆三十多年的舊賬，是依法去盡以儆效尤，還是以歷史角度留一手，鼓勵港人放下背後努力面前。

以目前看，前一種可能性不能排除。支聯高層近年多了新血，原則性強，對現政權「合法性」的看法可能都唔同一班老鬼。如今紅如政界女Keung To的後生副主席，對理念的執著更近乎宗教層次。

她起初使我想起聖女貞德，如今覺得或者更似蘇格拉底。後者看待原則更重於性命。2,500年來，無人不敬佩蘇格拉底人格之高超、追求真理之徹底，但從來冇人敢效法，因為唔學得架。當權者讓蘇格拉底選擇流亡以免死。但這位有史以來最偉大的哲人拒絕為保命而出賣真理。

蘇格拉底當年通街問路人類似「你為何而活？」啲咁既哲學問題，無疑戇居。但最近這1,000年，任何有理智、懂點文化的人都唔會認為，咁就該死！但當時希臘既貴族又的確係咁念，碰上蘇格拉底咁既超戇居友死牛一邊頸，也就釀成古今中外最戇居既悲劇。

香港既政界女Keung To要求與當局辯論，當然是自信1.真理在我；2.真理越辯越明。表面上，在野者被在位者控告，要求其站出來公開辯論，有理之極。但以常理看，上庭不就是由控方代表政府與被告在「中立」的法官面前當眾辯論？只不過按今天的法律，支聯要求中共放下依憲當然的執政權，擺明違憲。你唔同意，咁就依法接受代價囉，period.

如果你想學莎士比亞筆下的古羅馬名將Marc Anthony，在凱撒大帝被Brutus當眾刺殺後，當庭高呼：“Friends, Hongkongers, my beloved citizens, lend me your ears. I come to bury xxx, not to praise him.”在今日的香港，你當然有權咁做。但竊以爲，當局絕對唔會回應你，費事俾你用來發揮，博上國際頭條，而只會依法在庭上指證你如何有違法律，而法官也會依法判處。

總之，一切依法，調子壓倒最低，有咁少講咁少，唔俾你攞彩。就係咁簡單！