210628一晨紅雨24°C 97%：紅雨攔門隨口up

中午後補：此文上博後，轉爲黑雨，持續大半個上午。

紅雨，莫說戶外晨運，今午去gym都難。路程不短，中途萬一大雨濕身，也捱唔住gym既冷氣。

新時代，繼唔啱牙的政團紛紛識do解散，新聞界唔單只冇咗毒《蘋果》，連「立場」也冇埋。

但新聞冇咁多立場其實係好事。唔喺唔要立場，而喺唔要19年個種氣氛下咁多/咁重既立場，文革所謂「政治掛帥」甚至「政治正確掛帥」。

世間太多事值得關注。人活著，唔喺單靠本土政治，甚至唔喺只靠「進步」的價值。

舉個例，英國近日頭頭碰着黑，就好有趣。唔喺借鬧英國離表愛國，而係有英式幽默的悲喜劇效果：

衛生大臣在辦公室與女下屬擁吻，被錄影公開而請辭。1. 理由唔喺出軌/不倫（日語發音hulin），而係有違限聚。但英國既限聚令嚴到2個好友攬埋都唔得？咁移居倫敦既港人夫婦上牀係唔係要帶頭盔？由咁荒謬既理由就可知，not all men are created equal.大人物干犯同樣的問題，要搵藉口來處置。2.顯然有人係大臣辦公室裝鏡頭偷怕。這才是犯罪。但因爲被裝的係仆街政客，記者只會拍手，懶理法治。說到底，政治高過法治。

俄艦日前係黑海就近克里米亞的海域開炮、投彈，雖然並非對準，但顯然係警告附近的英艦。大國針對大國開炮，二戰後似乎首見。唔知幾時會擦槍走火，真喺打傷對方，冇得下台，發展成軍事敵對。當然，可能有港人開心：東西關係惡化最好，咁西方就一定幫嗮香港。I doubt it.到時英美對中俄都應接不暇，仲邊有精神離顧你彈丸之地個750萬人。

英國街頭既巴士站發現有人遺下國防部最新的密件，包括英艦游弋黑海逼近俄艦的報告。聽來似Mr. Bean扮007拍戲。英國人真喺夠幽默。

《蘋果》案仍在發酵。新聞人，尤其係其中的政治記者/名筆，唔轉軚就只有轉行。