210622二晚25°C 90%：只能祈禱

世界各地，不少人冇針打，但也有不少人有得打唔打。即使以常人看，打好過唔打。唔單只幫自己，更係幫家人：自己唔會中招，也唔會過俾家人。

~95%既人會遵從這種常理。但開放的社會裏，也很可能有3-5%既人，唔睇常理。

唔打通常係擔心副作用，尤其係新聞睇得多。人既心理：好消息懷疑，邊有咁大隻蛤乸隨街跳；壞消息寧可信其無，打針後有多少人出事…。

次之有個別人怕拮針，唔論打乜針，包括抽血，俗語所謂恐懼症phobia。

但也有人從社會、政治角度出發，覺得政府要百姓打針別有用心，原因任你發揮想象力。現實中的確會有呢種成分。例如：特區谷針，擺明係想儘早同上面通關：政治上想南北融合，經濟上想內地客再來帶動消費。

但官方的‘ulterior motive’通常被無限放大，以致本來對自己和家人8:2有利的事，被當作2:8甚至1:9搵笨甚至害人。點講都唔信，專往衰處諗。自由社會總有的人有呢種心理，而且可能相當固執，奈佢唔何。

但在生活里，並非只有打針才有這種非常到無可解的心理。有時候黑白分明、好簡單既事，也會有人拖拉甚至抗拒。routine的舉手之勞，例如以交水費爲例，收到單，幾十蚊既嘢，但就係拉牛上樹，張單塞埋一邊，拖到過嗮期，俾人罰錢。甚至一年半載後，來信警告，最後限期前唔交就剪錶，仍然唔爹唔丟，似乎與自己無關。聽來不可解，但社會上總係偶然會有人咁出奇。所以，媒體永遠有講唔完既話題。

當然，這些特異行爲在先進的社會可以請教心理專家。原則上，任何難解的行爲，都有學術的解釋。有多合理很難說，但至少有專業人士會幫你。但限於費用、時間，對大多數家庭不適用。

現實中，萬一真係咁奇，怕只能祈禱。上主有好心之德。