210626六近午陰雨28°C 91%：謝留言

多謝留言。年來家務影響身心，本博寫得幾耐就既耐。但欠網友的債要還。

1.港人冷對打針，我估政治8：真正擔心副作用2（我就近所知的包括：有人多年前有過敏感症；怕俾針吉；信東方養生，怕西藥）。

但出於政治的人會用心戰，自稱怕副作用，製造寒蟬效應。媒體同情，作大副作用，令民調以爲政治4:副作用6甚至3:7。

所謂政治，說白了就是不合作運動：a.抵制林鄭，等佢俾上頭媽，冇得連任；b.令香港冇法與內地通關。

當然，以上純粹靠估。你絕對可以唔信。

撇開本港政治，論打針的pro & con，台灣中央社引述美國西海岸的北加州Bay Area（三藩市/舊金山灣區)報章或可參考：

當地〈80%成人有抗體 邁向群體免疫〉

台灣的中央社在國民黨時代相當於大陸的新華社，但現在民進黨執政已逾10年，相信早已換人變色，可以相信不會幫林鄭/北京。

SF灣區是美國最自由派的地區，最唔信政府、權貴、商界…。區內的媒體亦然。

但上述標題說明，區內的自由派冇咁怕副作用；而且打針後賭贏咗。獎品係自己和家人多啲安全和自由。美國人坐國內航機冇落地的限制。

當然，我可以幫唔打針既港人講一句話：加州灣區多數人打既係美國自製的Moderna，唔喺香港的科興與BNT。的確，Moderna少的負聞，但直覺上，我唔信叻科興同BNT咁多。反之，正反相抵，BNT算係所有疫苗裏最好的。

以上純從科學的感覺出發。但政治信仰如同宗教，冇得拗。

2. 至於網友說，建制限於思維，冇可能複製《蘋果》的社會文化影響力。我完全同意。其實馬後炮，當初落筆時，心中就是這個結論。只不過臨訓前匆匆，上咗博就算。唔似寫專欄，有時間逐字執。

的確，建制人的價值觀、學養、…都好唔同，重現實，輕較高層次的理念，甚至不屑。我對此有切身的體會。人的性格、家庭、教育…使然，好難改。

周末快樂。冇法子改變陰雨，就善用這個環境吧。