210612六晚27°C 90%：原來大日子

冷門：祖高域竟然赢拿度入法網决赛。但最後應不敵後生10年的後起之秀。

大日子：今日原來係百萬人上街2周年，仲咁啱icon女坐滿。計日子，上面等咗1年先還招。但一出手就見血封喉。

事發頭一年，上面可信集齊涉港的人才、資源，煉就伏港十八掌，再順手落個金鐘罩，護住國家的命脈，等的人冇窿嚹可捐。

伏港拳以去年7.1既國安大法開步，接著輕重交替逐招出，封住過去的縫隙，將反對者逼埋牆，廢其武功。日前的電檢小意思，國教、公職忠誠…先係殺招。

此舉或「理所當然」。但港人幾十年慣咗，一時間較難適應。以往以爲只要非暴力就可以無所不爲，而家好多都有問題。撞着敏感的時刻和地點，一身黑衣篤住行山仗，袋支電筒和十字牌多用途刀，都可能一身蟻。落雨擔黃色尖頭既長遮也可免則免。

難免有人唔忿氣，係都要咁做make case。但一般人無謂攞苦離辛。

總之，香港今後也要學上面，立番啲三要不三要…以爲行爲的指引。

法治也差天同地：法國的法治沿襲自拿破崙，自豪感絕不亞於香港。當衆摑總統既法國佬事隔1-2日就判緩刑，其寬鬆符合法國國情，但判案神速，非食晏3個鐘的法國習慣。反過來，港有啲前年既街頭勇士最遲要24年才開審。誠然，法國人侵犯元首的行爲須立即煞止；但港前年拉過成萬人，要逐一問訊、取證、排期、上庭…，法治大塞車。但涉案者要等3年先知有冇事，都幾煎熬。

疫情：G7合共捐10億劑俾中低收入國家，美國承擔一半。但中國至今應已捐咗好多，不妨公布個數字，唔好俾歐美攞嗮彩。看藝人大S開罵，台民果然不滿缺疫苗。G7好心，捐夠20%亦即大概500萬疫苗，俾巨救急啦。條件係：本土疫苗開打後，係市場上買番咁多，捐俾窮國。印度力壓了過多月後，本土顯著放緩（每日確診的官方數據由40萬跌到10萬）。但變種δ隨着僑民四圍走。大馬、尼泊爾爆疫；中國領嘢；英國反彈，要推遲4周鬆綁。且看下一個邊個中招。