210621一晚31°C 76%：周六sayonara?

《蘋果》若出埋周六後告別，既是香港回歸後的重大里程，更是百年黨慶的重大獻禮。此後的7.1就真的回歸了。維園年會止於第32年，《蘋果》止於97後第24年。天下無不散之宴席！

周五睇《蘋果》董事會點講啦！但最好預咗佢。

《蘋果》是異數中的異數，應該不會有同行follow suit。但會否有人要「整改」？

此報摺埋，全港最開心的是它的行內死敵。過去一年，疫情主導社經，除了網商和北水左右的新樓盤，幾乎所有行業都死咕咕。但《蘋果》的對頭人，由此前虧損轉爲賺2億。股東有福。

最近政治上幾乎日日有新嘢。雖然多在意料之中，本乃遲早的事。但來得比想象的更快，感覺上是趕黨的大喜：

1.周四起爲大圍堂食和娛樂場所鬆綁，正好趕上黨慶擺酒、碰杯。

2.緊接着的周日，港鐵幾個拖咗好耐既舊區新站終於貫通。7.1嗰日肯定好多人扶老攜幼試新，增添節日氣氛。

進入新時代後，以往熱心公職者，紛紛退出與特府唔係好啱牙既組織。但喜見痩田仍然有人耕。不過，種既嘢相信會好唔同，收成也有唔同既出路。一個最老資格既另類政黨，搵番個元老出嚟睇場。祝平安。

至今所知唯一一批開船去到台灣既走青，對美報WSJ講述走佬經過。但冇透露任何有用既情報。睇到尾先覺得：有關報道可能是為台灣pre-empt中方。

原來，呢5條靚開船駛出公海後，只去到台灣下轄的東沙島附近，離台灣仲有一大段路。由島上的人救起，轉送到高雄。報道說，這5人裏，有的想留在台。但台方擔心，大陸會因爲東沙庇護港人，從而從其手中取過來。爲此，請美方接收此5人，故此5人目前在美申請政治庇護。

這5人出走早於目前在港審理的12走青。有可能事後當局吸取經驗，令其他人無機可乘。