200329日晚：祕魯、摩洛哥...包機環遊世界

   東亞包括香港，繼續因海外居民回流倒灌疫情，新案勁增。升勢相信還會持續10日。香港最終埋單怕過千。
   首次有港人感染武肺在南美死亡。男，64歲，魂斷秘魯Cusco。
   包機接人的壓力大增。滯留者聲稱有3團合計80多人。此外還有港人在北非摩洛哥。
   還有誰流落他鄉，快的向傳媒、議員申訴（call邊個，黃、藍各有分數）！港人如今之矜貴，足與美人睇齊。點能只接滯留湖北既人，厚此薄彼!
   但爲何晤見內地客係世界各地叫苦？連南極都涌去，又點會冇人滯留？

   各國接連退回深圳製測試劑，指聲稱八成準實只有三成。生產商話用戶唔使操作窩。咁大筆生意，且關乎人命，供應商唔係有責任派人到各國指導示範既乜？
    荷蘭則以不合格為由，退回百萬個中國製口罩。但我屋企的口罩只有MiC，冇彎轉窩！
    昨有視頻顯示陋室裏有幾個南亞男性（看樣貌衣着判斷）用車衣機車口罩。滿地都係成品，令人想起十幾年前內地的山寨食品工場…。免疫系統要好超班，先享受得呢的成品。

   早就料咗美國飆升、紐約市獨領風騷。但節節拋離第2意大利和第3中國的氣勢，睇到我窒。記得十日八日前好似話NYC最終怕過10萬。看來不太離譜。
   疫情合計遠超全美半數的New York tri-state，有兩個州我都住過。紐約市與香港比：居住密度低得多，但西方人抗疫冇東方人咁聽話。港人都defy，紐約人更唔會咁順攤，點會聽衰人侵支笛。
   
   當然，最終無論香港、紐約…，最後都會laan過。問題係代價。
   我今日睇英國科技寫手Matt Ridley在新世紀前夕寫的長文，簡體版叫《疾病》。當時仲未有肺炎，無論是2002的SARS，15的MERS，還是今天的Covid-19。
   但人類自5千年前開始有文明，從未擺脫疫病，但也未被疫病摧毀。疫病話到底要靠人的軀體來生存，對我們要留有餘地。殺嗮我地，自己也冇得住冇得食。
   除了瘟疫動輒帶走二、三分一人口的古時，人類步入近代後，以目前這次武肺最威。其他疫症雖然有的毒到近乎必死（例如伊波拉），有的因爲社會價值觀，長期佔據歐美的頭條（愛滋），但影響層面之廣、對經濟打擊之大，與武肺冇得比。Trump簽署的2萬億美元救國法案，係美國人都有錢派，此前諗都唔敢諗。
   17年來，冠狀肺炎先後3次來襲。今後7年要做足戰備，準備下次再來？不過，到時我都差唔多夠鐘，怕只能每日祈禱。