今日疫情乜嘢最得人驚？
亞軍南韓放緩咗。
最有potential既伊朗雖然死得人多，但擒日新症唔算多。
反而意大利新症破千，意北變湖北。不過咁鬼遠，青田人驚啫，你係catwalk族咩？
港人角度，驚既係袁教授話：可能有800個自己都唔知既冇病徵感染者通街走。即係話：可能有個就係你隔離。
不過，作爲750萬人既一分子，想撞到呢800人都未必咁易。真正恐怖既係教授下一句：
年底前都唔好外遊！
攞命呀，大教授？
我地港人，依家有錢有面有taste，有性格敢作爲，最Like既就係外遊集郵。兩個月去一次都嫌少。要我冇病坐10個月疫監？Let me out. Delay no more!
亂噏到此爲止。以下講番正經既。
如果接着呢10個月真係冇人外遊，諗落幾係嘢。當然，大社會首先喊既係：幾十萬旅遊業者結業失業。但更慘既唔只好多人冇工開，而係：
750萬人被wan係呢個彈丸之地，焗住成日面對面，好似一家四口住劏房，實鬧交。忍者正好焗住我地攬炒。
羣組今日收到一樣與昨天相反的訊息：反修例高潮後被當局油番既好山邊，又再出現「五大訴求 缺一不可」的黑字標語。唯一不同既係，加埋抗疫口號。
八十年前既國-共-日三角關係，代之以今天的特區-反修例-武肺，倒也不太離譜。
記得我講過：近周不停地有零星的街頭活動，忍者似乎已悶到忍唔住，趁港疫情緩和，搶番氣勢。
19年下半年，忍者一直係西方媒體、政客既上賓。不料武肺一來，壟斷嗮全球既注意力。世人幾乎唔記得，香港有過大半年諾貝和平獎級數既巷戰。眼看戰果被奪、訴求被遺忘，忍者點忍？
因此，在武肺聲中，幾乎日日都小規模出擊，叫我地記得：佢地冇放棄，也永遠不會放棄。只要疫情許可，就會delay no more。
當局準備好未？
沒有留言:
張貼留言