内地續借抗疫推介中國模式。但沒想到北京奇辣：即日起所有入境旅客，亦即不問君從哪裡來（但應該不包括內地人），一律要居家或集中觀察14日。
港繼印度外遊團後，再來埃及團攬炒：全團連領隊9人無一倖免。一日驟增多個case。
中國以下的2-4名排得好齊整：意大利1萬、伊朗9千、南韓8千。其下各國雖差一大截，但都爆緊，後勁難料。德國的小娘子擔心，最終會有七成國人感染。4-5,000萬，唔係嘛？
美國開始發力。一如所料，風險最高的是美國唯一的人口密集城市紐約（太平洋沿岸西雅圖所屬的華盛頓州集體死亡，相信係安老院住客體弱，加上院方管理的問題，並非華盛頓州疫情特厲害、防疫特差。西雅圖是微軟、波音、星巴克的總部）。
但紐約市原來唔係市內爆，而是專業階層最愛的北郊高尚地區Westchester郡（縣），尤其係其中的New Rochelle鎮。用香港打比方，或相當於新界北既豪宅區，但路程可能遠過深圳。W郡居民大都每朝坐一個鐘火車入紐約市返工，收工掉番轉頭。一早一晚車廂爆棚，乘客彼此相距不過30/40cm。但又唔能夠叫人唔番工。大紐約市有3/5千case絕不多。
包括上述的紐約市郊，正如上次博文說，武肺在全世界都近富遠貧。香港兩個旅行團都係長線團。看疫症榜上頭20名，除了伊朗等中東國家因爲什葉派朝聖，其餘清一色是東亞和西歐富國。「愈窮愈見鬼」反過來「愈富愈領嘢」。
鏡頭前，紐約州長Cuomo宣佈New Rochelle局部封鎖，講得很得體。西方政客，與香港、內地官的presentation差天同地。關鍵係成長經驗。美國人在幼稚園就被鼓勵發表意見。中小學班上要辯論、學public speech。更重要的是，關愛的教育和社會環境。
紐約市最多case既唔係低下層既South Bronx、West Harlem…，而係中上層的suburb。且看最有錢既5th Ave./Park Ave.會唔會中招。
我或應仲行得兩個鐘，未來一年番紐約睇下城市的變化。聽着Frank Sinatra的New York, New York, 由曼哈頓最南端的Battery Park向北行到Columbia U.。
這兩天，羣組裏踩美國的訊息少咗。官方宣傳風向變？與Trump達成了默契？
沒有留言:
張貼留言