不要怪大衆panic。傳染病的風險無法定量，即使專家也是靠估，只不過數據多的，所謂knowledgeable guess。
而且靠估之時，每個人性格不同，有人偏向樂觀，有人偏向悲觀，不可能有絕對客觀的判斷。信唔信只能自己決定，別人信的與你信的不同，不要笑別人。自己根據自己的判斷做就是。
大多數人出於自衛的本能，都寧可預衰的，因而有些行爲會俾你笑。成人即使自己唔驚，也怕子女受害，從而爲他們搶購囤積，盡力保護他們成長。這是很偉大的行爲，唔係冇腦！
我出身科學，可以明白長於科技的人偏理性，見人搶廁紙、搶米搶麵…覺得不屑。近日多的是這類譏諷的視頻。
日前海外就有人笑港人搶廁紙、米糧…，蠢！其中的藍絲尤其不屑。今天反過來，同樣的視頻地點改爲溫哥華、多倫多、三藩市灣區、紐約…。而且在各大城市Cosco門前推着購物車等開門的，華人並不佔多數，說明蠢的唔止係港人、大陸人…。這些加拿大人、美國人都蠢？
不妨放下自己的「理性/科學」，試從另一個角度看這類失常的行爲：天公不仁，以百姓爲芻狗。大衆是無辜的，去怪the Almighty好了。
最近這兩天，美加各地的Costco都成爲瘋搶生活必需品的最佳depot。未到過美加的網友比較難想象Costco是怎麼回事。對香港這樣擠迫的鋼筋森林來說，Costco可說是只賣基本生活所需的大人國超市。
說基本，因爲只有最basic的貨種。說大人國，因爲每樣貨的size可能係香港常見的兩三倍甚至五六倍。舉個例：咖啡可能只有Nescafe、Maxwell等4-5種最大路既牌子。但每jar可能係香港超市stock既兩三倍咁大，又或者一pack 4 jars.冇得拆散。牙膏1 pack可能係一打。牛扒1 pack可能5磅。
港人會奇怪，邊用得咁多嘢？呢個就係國情唔同。美加（相信澳亦然）勞工大衆既屋企閒閒地都2,000呎，有basement、車房甚至雪櫃外既專用凍肉櫃。加上天氣涼過乾過香港，好多嘢可以stock好耐。
至於話新鮮，西方人大都住係溫帶，冬天本來就有三幾個月冇乜新鮮食物，慣咗，唔似東方人咁淹尖。人地北極既族裔，肉食更長年雪係地裏！
但反過來，至少我所知既美國人生活方式（我估加拿大人也大同小異），日用品既消耗的確係多東方人好多。幾十年前既環保theme就話：美國人以地球6%既人口，消耗地球30%既資源。
冇法，人地不但有錢，更重要的是人多勢衆，一早就霸住咗好多生活資源（美國有.3.25億人，相當於英、法、德、意、西…人口既總和，而且美國人既平均收入高過英、法、意、西。）比如：中美洲既香蕉園，幾十年前就俾Del Monte包起，產出全部運去美國。
用香港話講，Costco是抵食夾大件既廉價超市。但如果你係美加中上層，又或者講究健康、識飲識食，會嫌Costco cheap、唔夠精緻。因爲唔會有魚子醬、黑松露、靚酒、鵝肝醬、相當於同類食物好幾倍價錢的organic乜乜物物、精品面膜、cashmere、…
我以往每次去灣區，都會跟家人去光顧一次。對我好啱，但港人就未必。
沒有留言:
張貼留言