200328六夜21°C 95%：Darwin virus

    香港抗疫第二波的辣隔離今晚生效。且看有幾多甩漏、違抗。
    明40萬外傭例假。但唔准多過4人聚集，怕係快餐連鎖、food ct由朝坐到晚。
    
   與03年的SARS相比，武肺傳播力勁得多，但冇咁毒，死亡率相對較低，唔似SARS幾乎冇藥醫。
   但也正因此，武肺食硬全球化：旅遊、出差、留學、探親、做工、移民（包括走難）…已成爲生活常態。地球任何一刻恐怕都有幾百萬人跨區流動。任何一地只要有一個「種」，十幾小時內就可能藉飛機、高鐵、長途巴…，在另一地傳開。
   但武肺更傑的是Darwin信徒：
   原則上老幼都不放過。事實上，年幼、年輕的人感染後症狀輕，甚至無症狀。幼童甚至可自癒。
   因此，後生感染初期唔知自己領嘢，照常起居走動，從而廣泛傳播。反過來，年長的人一旦感染，病得交關。若本來就有三高...等手尾，可危及生命。因此，死於武肺的主要係老人。武肺似乎帶有某種社會功能：
   1.由於後生唔知自己帶毒，照常外出食嘢打波聚會。隔離既老嘢領咗嘢都唔知。後生即使發病都好少嘢，老嘢就好大件事。說得誇張些：武肺令後生變成老嘢殺手。
   2.對社會來說，以老人偏多的意大利和西班牙爲例，千計老人死於武肺，留番的後生（以下呢句擺明係講笑。我好在年過七旬，屬於武肺vulnerable族。如果自己後生就唔敢咁講），講得「好聽」係Darwin的「物競天擇，適者生存」，講得難聽，想起二戰期間，有人用所謂的final solution來解決他心目中的社會問題。現在全球普遍富裕。但正因此，老人偏多，再過一代，經濟怕難以負擔。武肺話，我來也！
    最後爲女權主義者補一句：武肺除了Like後生不Like老人，也Like女不Like男。爲你們幾千年來受父權夫權甚至子權三座大山打壓，出番口氣。我絕對贊成打爆我地班衰佬。