但疫情危及全民。人人要自我隔離，無任何建設性的事可爲。旅遊、飲食在營業額上或最慘。但除了炒抗疫用品和網上的虛擬業務，想不出邊行有着數。傳媒日前說，李嘉誠損資700億。
影響更深遠的是，萬計的青少年兒童被迫放假成三個月，唔敢出街，困在斗室，連父母都要保持距離。他們成長後會唔會有乜特別既想法，望專家教我。我自年初一以來就未見幾個小親戚—除了在WhatsApp。連生日都冇人陪佢地玩吹蠟燭。
新世紀本來以全球化爲主流。如今由國家、地區、城鎮、父母子女（父母染疫在醫院彌留時，子女無法送別）以至個人要逐一分隔，攬炒之徹底此前恐怕全世界冇人料到。
損失相對較少的，反而係我這類退休老人，唔憂倒閉扣薪裁員…。唔出街慳使費，大可長時間自閉。加上我份人夠悶，上網、電視、書本…散步…總有做不完的事，唔覺得好慘。
萬一真係中招，我也預咗：到時順其自然，將自己交番俾上天去支配。
今日WhatsApp傳來西班牙中年男醫生在鏡頭前的哭訴：肺炎多，呼吸器唔夠，只好掹走老人既俾後生。他覺得好悲慘，又唔係完全冇得醫，一個國家點能夠任人去死。
今天的呼吸器不就是《楢山節考》裏日本古時山村的糧食？成條村反正唔夠食，總有人會餓死。老人前面冇幾多年，慳番俾前面仲有幾十年既兒童囉。
May God have mercy.
沒有留言:
張貼留言