內地繼續藉抗疫來揚習貶美。
但《大國戰「疫」》太應節，不發售可惜。可否電郵電子版來？可以學美國電視劇 《Mission Impossible》，閱後即自動焚毀，確保不外洩。
港第二日又接回400多滯鄂市民，一如昨日冇太多complain。
但適逢驚蟄，有記者搵到打小人的話題：回湖北過年的留學生嘆包機唔載埋佢。
同理，若英美加…派包機到中港撤僑，留學這些國家的港生回港過年後，當要求「平權」。
港人今日最冇癮既係：日本因應疫情，去旅遊要攞簽證！值得注意既係，日確定習近平推遲訪日後，方對港澳開刀。由此看，當初接回郵輪港人諸多阻滯，會否與習訪日的交涉有關？
雖然疫情過後又會免簽，但港人冇咗最愛的旅遊點，呢兩三個月會好悶。
南韓雖高居世界第二，領先第三、四位既意大利、伊朗成倍，但新個案較頭幾日已放緩，政府都幾落力。但已上到6,500價位，俾我估中10,000既機會都幾大。
意大利和伊朗連日鬥爆。伊朗尤其有potential（原因見昨本博），連副總統都有2人中招，議員更有20幾，超韓都唔奇。萬一拉埋最高領袖落水，怕好多人開香檳。
西歐既勁度僅次意、伊，看來係中國以外既第三梯隊。西北歐富國幾無一倖免。連只有十幾萬人既冰島都有10單，據說係意大利惹番離。
我此前一直詫異，英國與中港居民關係咁密，點解好少case。這兩天終失陷。但英人密實冷靜，易守過法、德。
美國也漸熱。加州初見有人死，柏克萊第一單確診，全州進入緊急狀態。但加州雖然華人多，地大人疏，擴散有限。美國真正麻煩既係全國唯一既人口密集城市紐約。地鐵路線多，24小時行走，曼克頓摩肩接踵。要紐約人在家開工，難過香港和北上廣。美國始終有人抗拒單靠電腦唔見人。Good luck, NYC.
沒有留言:
張貼留言