200321六晚21°C 93%：投鼠忌器？

    回流爆煲、走漏偷雞…在所難免。傳媒出於利益必大做。關鍵係幾多：只要制度頂得住，就算過關。唯有逐日改善，鞠躬盡瘁。
   當局真正既死結係：英治以來慣咗放任、白人大嗮，加上現政府冇公信力，故即便危急也唔敢用強，只能一廂情願地乞求公衆自律。但港人縱使98%守法，疫情也可能衰在個2%人手上。
   歐美比我地民主自由，但一旦視爲生死存亡，強制到冇人有。連最liberal既三藩市灣區人都唔抗議home bound。意大利人面對死亡，唔係鬧政府扑街，而係苦中作樂。
    誠然，西人本性放任，遵從禁制時，唔夠我地咁足斤兩。但一旦明白危難，甘願受制的精神值得敬佩。
   港人歷經三十年的自由開放，有時反而過咗頭。今日就有情侶去紐西蘭玩，違反隔離，租直升機遊覽冰川。大陸話說，富了就任性。周潤發對白話齋：「想做就去做」。
   近日，新聞熱點除咗機場就係蘭桂坊。當局一再用粵語規勸減少社交、聚集。中文傳媒報道時，附帶的照片都係白人在酒吧、食肆歡聚。矛頭指向誰不言而喻。但當局反覆強調，冇法例依據以收緊酒吧、食肆既營業時間。難道意、法、英、美…一夜間變咗專制國家？Conte, Johnson, Trump統統希特勒再世？  
   我唔敢郁白人呀！認咗佢啦！
   當然，在此敏感時刻，得罪在港的白人可能有政治後果：與反建制的港人合流，推動本國政府支持港人的抗爭。
   當局投鼠忌器？