港終於順應專家呼籲，封關、禁酒。
武漢封城今天滿2個月。港以往每次爲抗疫收緊政策，都跟在澳、台、星之後。起初以爲林鄭無能、放唔低經濟。再諗深層，可能也因爲非民選，冇mandate。反修例打足半年後，更自知孤立，有法都唔敢用。
或因此，酒吧界提工業行動。
Pub係英國人既命。但民選既Johnson周前突然反轉hea疫，日日收緊，到昨日封酒吧、限食肆，未見業者媽。英國比香港更極權？
今日終有港人南下時虛報住址，違反隔離令上庭。加上態度欠佳，被拒保釋。電視說，此人持有港身份證，似乎暗示其出身。又說，被拉係因爲入境後再出境，在關卡被截獲。上庭時問法官，係唔係走得啦！夠pok！
看其他報道就知，此人若唔係串，學其他家居者出門行下街、食碗面，肯定仲happy緊。我估：100個違例，捉唔到3個。一來家居隔離者過萬，散居全港，點睇得嗮；二來如上文講，唔敢用強，怕俾人鬧警暴。但今日既港人，成分唔似以前咁純，來自五湖四海。加上鼓吹咗個人主義幾十年，頗有些高度自我、以挑戰爲榮的青壯年。有人剪手帶上網示威，話唔定視爲仆街政府既極權象徵。
我唔係鼓勵家居者挑戰，只係以事論事。最好估錯啦！
但唔怕講，或者出身科學，疫症走勢以統計爲本，爆疫至今，估得唔算差。奧運我成個月之前就睇淡。講句笑：單對單既項目，意大利攞梗牌，因爲冇人敢同佢鬥。昨閱報先知：奧委會早就心裏有數，只不過安倍想以奧運名留青史，死都唔肯放。
近日WhatsApp裏的回流訊息，清一色鬧特朗普。愛國派與咒「中國病毒」的特朗普勢不兩立。與此同時，大選年，自由派華人咒佢落選。
美國傳媒（除了Fox）當下給特朗普的label係liar，因爲講大話面不改容。但他今天倒說了真話：與習近平通了電話，對中國有點upset。看他過去一年多與中國貿談角力，upset纔是實情。口說like習主席，純屬生意人的客套。
近日有愛國成員的社交羣組充斥着歌頌國家抗疫功成、反擊美國污衊的訊息。但據報，特朗普下令就疫情問題心戰反攻。若此，此役方興未艾，WhatsApp會更忙。
不過，WhatsApp絕大部分來訊是愛國的，相信是因爲有關方面有專人製作散發，海外的熱心朋友只是出於愛國而轉發。很少訊息是自由派的。我倒想看看特朗普罵中國的文宣有多惡毒。哪位朋友接近美方channel，希望在本博留個link.
愛國的訊息多屬視頻。我沒有耐性等serial的訊息播到底。視/音頻不論內容，我大概只看/聽頭20秒就刪。我當然是異類，辜負了很多愛國訊息。性格缺陷，沒辦法。
沒有留言:
張貼留言