特朗普終宣布全國進入緊急狀態。
但居美人士未見反應。五毛未給愛國華人供料，太失職了！
新任的外交部發言人不是說了，特朗普統帥的小兵去秋訪華，留下武肺的蘇州屎？這點怎能不發揮，讓全球華人抗疫後乘勝追擊，打倒亡我之心不死的帝國主義?
趙發言人應獲頒衛國英雄勳章！
美國人莫怪特大帥反應遲鈍也。他是生意人，只關心錢，在這方面與中國其實很合拍。只不過中國文革後，落後美國不止百年，急於趕上，與美交易時，難免發揮華夏智慧。特朗普的前幾任眼開眼閉。現在輪到他斤斤計較，想把美國此前虧的都討回來，麻煩就多了。
至於美國檢疫超少，非因醫療唔夠好，而係美國在發達國家裏最laissez-faire：政治上信自己唔信政府，經濟上信個人self-reliance唔信集體。因此，醫療一向靠私營，絕少公營成分。可能只有近乎赤貧，先至死黐公院。
我80年代上半在美國打過7年工，入過兩次醫院。頭一次係私家，住咗個半月，主要靠工作上既醫保，加自己包底2千幾美元。第二次係公院，住咗一晚，好似唔使點俾錢。因爲係公共地方既意外：挽住行李碌落地鐵樓梯，穿頭，旁人叫救傷車送院。
因此，而家美國檢疫少到唔合理，因爲一般當驗身要自費。可能收一兩百美元，但染疫既機會最多萬分一，你如果係美國都唔制啦！
但傳染病唔同美國常見的癌症、心血管病等個人症，會禍及他人，社會成本要由政府離孭，最終所有人分攤，始終係一條數。
美國當然有公費檢疫。但爲免3億國民食政府既「免費午餐」，由CDC定下高門檻。比如：連咳x日、體溫持續超過x度、曾與某類人密切接觸…。於是，政府肯驗既人，可能都已病咗幾日，期間已傳開咗。
呢個就係美式資本主義下既悲劇。幸虧，今天西方的民主社會只有美國一個咁衰。特朗普當初爭做總統，最大既動力就係推翻奧巴馬用盡九牛二虎之力來加強醫療公共成分的ObamaCare。由此可知，醫療已取代黑白矛盾，稱爲美國新既死結。
沒有留言:
張貼留言