內地話，疫情除湖北外無新確診。我信七成：全國放緩難作假。但除湖北外29省市13億幾人，統計上點可能一個都冇走漏？
但可信《厲害了，我的國》將捲土重來，藉抗疫來取代美國、領導世界。
港亦繼續平穩--除咗恆指跌千點。以我layman看，只要不輸入超級傳播，月內有望初步解嚴。
港爆疫以來，上周中初次複診，但唔係睇內科。之前醫院大堂奉旨爆棚。但呢次只有2-3丁。先後3次見助理、醫生加攞藥，大約1個鐘，快過睇私醫。唔使攞藥既病人大概統統押後複診。
今午亦係爆疫後初次飛髮。此前諗咗好耐，怕長時間近距離接觸。但過年捱到而家，唔好話出街，係屋企都覺得唔舒服。
輪候時，聽熟客同髮型師嘆大教授擒日講抗疫持久戰！髮型師話，呢兩日的人先出番離，個個都係過年到而家先第一次剪髮。疫情只要拖多一年，供唔到樓，…。
旁聽的我，真係驚大教授俾人私了！
但今午路過大商場，或有~5%人唔帶口罩。日前430 madam話，市民開始鬆懈。
難怪既。危機稍緩，就有的人出於性格，等唔切放監。但相對西方人同落後地區既人，港人已好聽話。
髮型師估，意大利爆得咁勁，因爲攬頭攬頸。我稱之爲Ma ma mia！的確，一個地方邊種疾病多，好睇文化。例如：東亞多腸癌，因爲食醃嘢；美國人多糖尿、心血管病，因爲從細高脂、高糖，而且食量大。各種生活方式種瓜得瓜。中國人暴富後，視高脂高糖爲美好生活，一兩代後也會重蹈美國人的富貴病。
說回武肺，〈囚犯抗議暫停家屬探訪 意北監獄騷亂6死〉，相信也很反映國情。
不過，上天還是公平的。都說人嫌貧愛富。但偶爾來次疫情，卻嫌富遠貧。富人資源多、人面廣，會所、宴會、外遊、公幹、郵輪…，接觸頻且近，中招和傳播都叻過窮人。呢次疫情，除咗係醫學，也係社會學：睇中招人的Google Map，可知階級性。
以下係我讀報既條件反射：
醒目呀，強國人：〈意國上機前服藥瞞疫 4華人抵京確診〉。
攞命：〈武肺馳援護士邀馬雲吃火鍋 支付寶：安排〉。
回應得體：曾說要修正或放棄「九二共識」的48歲立委江啟臣，高票當選國民黨主席48小時仍未接對岸總書記賀電，說自己當選或予「大陸新的想像」，但不影響黨的改革腳步。Good luck.
渣標題:〈華生戴口罩違《禁蒙面法》被警罰款 法使館稱假冒〉。法國有華人假冒學生戴口罩惹官非？原來：有人扮警察敲詐，唔係扮學生。
講到英文既新聞週刊，英國既Economist係俾人學既，美國既Time/Newsweek係俾人talk既。MP今引述前者講意北封區說：〈鐵腕難像中國 公信未及韓加〉。Couldn’t agree more.
Econ話：各國防疫鬆緊視乎疫情、國情（博主續貂：因素包括人口密度、對外交往密度、財力、醫療水平）、民情（民族性），落實的成敗關乎：
1.公眾多信任政府；
2.政府的支援（錢、醫護、生活物資）。
除非如中國般強制，否則：國民愈信政府就愈接受官方的建議。例如：86%韓人信政府，加拿大人78%，意大利人63%，美國人59%（博主：特朗普有59%已經超乎想象）。
既浪費又污染：航空公司吉機照飛以保〈航班時刻〉(博主：flight slot的slot應譯作檔期)。
沒有留言:
張貼留言