唯英國以人口和對外來往頻密計，算是富國裏最輕微的。脫歐此時還未發揮作用，難道係海峽天險隔住歐陸的疫情？但盛傳英國打算放pear，索性讓六七成國人上身，從而生成免疫力，此後一勞永逸。
今晚更傳，英國會要全國既七旬老人在家封關4個月（唔係週）。但我唔係幾信：西方社會好多老人獨居，難道要動員百萬義工日日代爲買餸送飯？否則容乜易有老人家在家倒下都唔知。
但值得注意的是：東歐的疫情不及西歐一成。結合香港最近接連幾條傳播鏈都源自長程外遊，再次證實我說的，武肺「嫌貧愛富」。
世界富裕、全球化之前，傳染病多見於衛生差、飲食不潔、無防備、無醫療的窮區。
最佳的證明係：過去這20幾年，Ebola伊波拉爆過2次。第一次冇藥醫，染到就等死，而且近乎中國古時話：七孔流血。
但係：2次都局限在非洲一個仍然很原始的小範圍。莫說歐美、東亞，連非洲其他地區都冇case。原因很簡單：疫區冇生意、名勝、特產…，交通肯定也不便。外邊的人唔會去，當地人就更冇本錢出離。唯一的外人係去救人既醫護。
講得難聽的：Ebola焗住當地一兩個小社區攬炒，等所有人死嗮，病毒冇宿主，疫情才了結。
幸而年前第二次爆發時，算係有藥可醫。
但你我唔care about Ebola，因爲殺到離既風險~零。
相反，而家既武肺雖然死亡率只係Ebola幾十分之一，而且算係有藥可用，卻全世界都驚，因爲惹到既風險係Ebola既千百倍。
武肺同Ebola唔同既係：
1. 大概除咗沙漠太熱，病毒死嗮，幾乎有人既地方就有機會領嘢（我估各國係南極既科學站遲早都會有人傳到離）；
2. 在全球化+富裕下，mobility和接觸面愈大既人領嘢機會愈高。講穿咗，愈有錢有面有權，風險愈高。因爲活動範圍大，見人多，接觸近。至今已有大把權貴領嘢，反而窮人冇咁多。
香港至今只有第一條傳播既邊爐鏈算係基層，後來幾條鏈既主腦都來自中上層，發病前曾長程外遊，特別係去西歐。即使埃及團所去既埃及，亦係歐美人最熱門既旅遊點。發展到呢兩日，新中招既都係新近從歐美返港既西方人，包括山頂居民。
雖然冇法子證明呢的港人惹到既武肺來自西歐，但至少唔係由港人最愛既東亞、東南亞等短途旅遊惹到，亦唔關大陸事。
但旅遊已融入咗港人既生活方式。而家一年唔去幾次旅遊，係熟人面前好冇face。當局今日再次溫馨提示：外遊高風險。我絕對贊成旅遊。但且看經過呢次教訓，港人今後旅遊會唔會多注意質，而唔係量。出外除咗留影飲食，不妨留意下人地既風土人情。
沒有留言:
張貼留言