240321四傍晚21°C 69%：神聖耆權不得侵犯！

    市區的重心既然決定北移，撥款開發北都理所當然，關鍵在成本效益，尤其係點樣盡早完成，但又最少超支。
    滿60歲$2乘車遲早被開刀才是小民的大事。議員紛紛獻計：設月/年資助上限；每次4/5元。
    博主作為受益人，說過不止一次：當初俾$2搭車本來就冇腦。並非因為我是中產，不在乎俾多幾蚊。而是：任何民生優惠，提供時絕對冇難度，但底線在持續。唔使讀書都知：
    1.物價總的來說隨時間上升；
    2.人攞著數唔會嫌多，只會嫌少。一旦享有，就唔願放棄。
    所以，$2既車費即使冇人濫用，本來$5一程既車費十年後漲到$5.5，長者唔會肯照比例將$2加到%2.2。庫房補貼隨時間而增加，終有一日爆棚。

    更何況：香港的車費隨里程而增加（反之，紐約地鐵行flat rate，一程US$2.95，唔理係坐一個站定由頭坐到尾。），長者坐既里程越遠，政府津貼越多。最貴既一程補貼~$20。
    更麻煩的是：人口老化，長者佔人口的比例隨時間而上升。今日若佔25%，10年後可能增至30%，再過10年可能係33%。人口增加導致的補貼增幅，更遠遠大過上述的通脹和里程增幅。
    更何況社會如今人道無限，市民好心。有名目眾多的關愛組織，專門督促政府開水喉助弱勢：

    我地長者為社會貢獻咗心力幾十年，老來得以用$2搭車，只不過是遲來的回饋，點能夠剝奪我地當得的權利?PK政府無良！…
    且看當局有何辦法說服我地班老嘢。