240310日夜16°C 86%：新時代新心態

    毛主席說，沒有調查就沒有發言權。但直覺上，“家有舊AD或惹官非”昨或已在網上瘋傳，提醒親友趁未開始收環保費，盡早處理家中雜物。
    但恐怕更要注意的是：新時代有新標準，市民要改變過往自以為是的心態。問題不限於家中有冇忘年既舊書報。
    至少在國安問題上，要不時自察：我和家人既做法有冇出界？而所謂“做法”，要包括言與行，而唔係話：講/睇吓唔得乜？又唔係做！
    講可能涉及傳播。睇則要睇係點睇：偶然唔覺意撞咗入個‘黃頁’，好奇瞄咗一陣；定時不時睇，每次都睇十分鐘八分鐘？後一種情況，好明你有責任要說服當局，你有足夠既理由，例如工作需要：政治學者/評論家/記者/智囊（例如議員助理、財團顧問），需要𥄫實呢方面有乜依郁。
    擒日有關首長講得好清楚：萬一被懷疑有問題，係我地自己要提出有關方面可接受的解釋；而唔係見到當局上門，仲大聲夾惡：丟，你大嗮呀？有乜證據呀？

    而家網絡時代，每個人上網既路徑，每一秒鐘都有記錄，有千計既專業高手無時無刻不利用全自動既搜索系統，檢測網上敏感既往來，冇得走既！唔好以為自己識玩嘢，想同人鬥法。
    以往有所謂innocent until proven guilty。而家喺國安方面恐怕要兩睇：當局有責任提出證據，但有關市民有同等既責任要釋當局之疑。玩完嘢坐下度嘆咖啡，只怕跟住個杯咖啡係被人請飲。
    咁樣講，唔係想自己嚇自己，而係唔想有人矇查查跌入法網，無端端坐幾年。有人或者想搞出幾個呢類案件，以證香港‘淪亡’。但我覺得唔好陷人於不義。
    *今日最驚人既言論係：天主教教宗勸烏克蘭認輸，同俄羅斯和談。
    教宗從一開始就唔同意俄攻烏。如今咁講，怕係有可靠的訊息：烏克蘭繼續撐落去，後果更不堪，寧可早走早著。
    以宗教來說，烏克蘭同俄羅斯同屬東正教。天主教與東正教在儀軌上比較接近，同基督教差別較大。
    *最近呢兩周，每週上五日運動班，比較累，昨天放棄上博。
    但昨天看到外交部發言人對日本漫畫泰斗鳥（Toki）山（yama）明（Akira）離世表示深切哀悼，一愕。我限於成長的年代，加上性格上只看字不看圖，未看過一本日本漫畫，只看過個別電視劇。但也主要是看宮崎駿的。至於《龍珠》，只聞大名，一無所知，也不好奇。
    中國如此器重日本文化泰斗，由外交部而不是文化部出面，原來鳥山明喜愛中國文化，《龍珠》以《西遊記》為靈感，更為了取材，80年代曾去中國實地取經。
    這裡恐怕也有一個價值觀的問題。感覺上，每個人對外國的文化，總的來說，按性格和價值觀來決定喜好。比如，我在日、韓劇/影/歌之間只取日。
    若此，我猜，與鳥山明同屬漫畫泰斗，宮崎駿與中國不會走得那樣近。