211223四晚20°C 81%：迎聖誕

聖誕氣氛已醞釀了一個月，仲有兩日就收爐。一週後的元旦只是聖誕後的過場。加上只放一日假，無法放開來玩。過後約要再等一個月才過年。

聖誕一週後元旦，再過大約一個月過年，呢個時序年年差唔多。

古人說每逢佳節倍思親，但我每逢佳節倍傷感。佳節前奏長，但實際的歡聚短暫，以致臨近過節，憂於節後的反高潮更多於迎節的歡欣。

今午特地去逛節日氣氛夠濃的海港城。遊人唔少，但未至於擠迫。海港城地皮長，神龍見首不見尾。上下兩層左右每邊由頭行到尾，頭尾合共4次，加埋恐怕接近一萬步，夠一日既運動量。

而且雖然落成已大半個世紀，但相當user-friendly。一般商場地皮細，十層八層合計不一定細過海港城，但每層圍繞中庭行一個圈只需一分鐘，要用好多時間離上落escalator。

此外也有兩三個地皮大的商場，但位置較偏。

明晚平安夜。以往沒有平安夜湊熱鬧的習慣。但年歲漸長，不敢確保明年此時仍然有機會遊街，或應把握機會。又或者去教堂，為過去一年感恩。如今即使洗碗…也覺得珍惜。因為知道，終有一日，自己連碗都洗唔到。到時就知，有能力洗碗，本身已經係福氣。